السلام عليكم و رحمة الله و بركاته

من شوي كنت عند طبيبة الأسنان ..

هي عندها شاشة مباشرة أمام المقعد اللي بيقعد عليه المريض حتى يتسلى المريض و هو عم يتعالج

المهم ، في كان مسلسل على mbc دراما ، شفت في المقطع فتاتين ، واحدة عم تقول للتاني ( عاصي ) أنا دورت على عاصي ما لاقيت غير بنات ...
فتذكرت أني لما أكون عم أشوف من سيربح المليون ، بلاقيهم عم يعلنوا عن مسلسل مدبلج أسمه عاصي ، كل الفترة الماضية و أنا مفكرة أن عاصي هو شاب ..

لحد اليوم ..


فقلت للطبيبة : هلأ عاصي هو بنت مش شاب؟!



قالت لي الطبيبة: ( ممازحة ) هلأ بزعل منك ، صرلنا 140 حلقة عم نعاني في المسلسل و نحن عم نتابعه مع عاصي ، و هلأ بتقولي مش عارفة إنها بنت


قلتها معلش ما أنا ما بشوف هاي المسلسلات ، يعني حقك عليّ...


فسألتني الطبيبة : طيب ليه ما بتشوفيهم ، مسلسلات حلوة و بتسلي ...


فقلت : بتسلي و بتحلي و بتضيع وقت للي ما عنده شي ، و لكن لا تستهويني المسلسلات هذه ، بعدين مثل ما عم تقولي شوفوا كام حلقة صرتم 140 ، يعني اذا صار عندي شي و عم أعاني من المسلسل ، بصير بدي أؤجله أو اربط نفسي مع موعد المسلسل لأتشارك المعاناة ..



قالتلي : هينا نحن قاعدين و نتفرج و نتسلى ...





فطبعا كل واحد عنده رأيه ..
و الطبيبة كانت عم تحكي معي ممازحة ..
و لكن للحظات حسيت أني ( مش عم أحس بمعاناة الناس اللي عم يعانوا بمشاهدة هالمسلسلات )


بعدين عاصي ولا مرة شفته اسم ذكر .. يعني يبدو لازمني شوية ثقافات ...



يلا سامحونا





في أمان الله