كتبت الشعر مو لاجلك لكن فاض بي بركان واماانت فلا تسوى قصيده في نظر عيني..........
حلفت لي تصوني اذا صار الزمن خوان واول ماعثر حظي على دربك خذلتني..........
كسر رمح الزمن صدري وجيتك اشتكي حيران نزعت السهم من صدري وفي ضهري طعنتني........
وكنت ابكي اذا بكيت واكون لبسمتك فرحان وكنت اقرب من رموشك لعينك يوم تبغني...........
خساره كيف حبيتك ؟نعم والله انا ندمان غبيه ادري نعم ادري مادام انك سكنتني.........
سنين من عمري وانا في لعبتك غرقان اشيل الشوك من دربك وجرحي كان يدميني ........
عرفتك للاسف صحراء وحولتك لبستان وشلتني غصن اخضر وفي صخرك زرعتني.....
حفرتك داخلي ظني تصون عشرتي ازمان وكنت احفر قبر موتي على ساحل شرايني.....
على كف الشقا نامت جروحي والالم سهران يحطمني يبعثرني وفي صحراك يرميني .....
ولكن عزتي ترفض اكون بدنيتي سلطان وان ظنك اجي اركع لرجك ماعرفتني......
انا ماعاتي اشحت من امثالك رضا واحسان اموت بعزتي ارحم ولاذلك يغطيني........
ومادام الوفا عندك يدور له على عنوان بدور لي على قلب يصون الحب وسنيني.......
ولو قلبي ذكر حبك بولع فيه النيران وبكسرها رجلي اذا عندك توديني....
ولو دار الزمن ضدك وجيت تطلب الغفران وجبت الشمس في كفك لعندي مابتلاقيني......