إعـــــــلان

تقليص

قوانين منتديات أحلى قلب

قوانين خاصة بالتسجيل
  • [ يمنع ] التسجيل بأسماء مخلة للآداب أو مخالفة للدين الإسلامي أو مكررة أو لشخصيات معروفة.
  • [ يمنع ] وضع صور النساء والصور الشخصية وإن كانت في تصاميم أو عروض فلاش.
  • [ يمنع ] وضع روابط لايميلات الأعضاء.
  • [ يمنع ] وضع أرقام الهواتف والجوالات.
  • [ يمنع ] وضع روابط الأغاني أو الموسيقى في المنتدى .
  • [ يمنع ] التجريح في المواضيع أو الردود لأي عضو ولو كان لغرض المزح.
  • [ يمنع ] كتابة إي كلمات غير لائقة ومخلة للآداب.
  • [ يمنع ] نشر عناوين أو وصلات وروابط لمواقع فاضحة أو صور أو رسائل خاصة لا تتناسب مــع الآداب العامة.
  • [ يمنع ] الإعــلان في المنتدى عن أي منتج أو موقع دون الرجوع للإدارة.

شروط المشاركة
  • [ تنويه ]الإلتزام بتعاليم الشريعة الاسلامية ومنهج "اهل السنة والجماعة" في جميع مواضيع المنتدى وعلى جميع الإخوة أن يتقوا الله فيما يكتبون متذكرين قول المولى عز وجل ( ما يلفظ من قول إلا لديه رقيب عتيد)
    وأن يكون هدف الجميع هو قول الله سبحانه وتعالى (إن أريد إلا الإصلاح ما استطعت).
  • [ يمنع ] الكتابة عما حرم الله عز وجل وسنة النبي محمد صلي الله عليه وسلم .
  • [ يمنع ] التعرض لكل ما يسىء للديانات السماوية أي كانت أو ما يسيء لسياسات الدول .
  • [ يمنع ] عرض الإيميلات في المواضيع والردود .
  • [ يمنع ] التدخل في شؤون إدارة الموقع سواء في قراراتها أو صلاحيتها أو طريقة سياستها .
  • [ يمنع ] الإستهزاء بالمشرفين أو الإدارة بمجملها .
  • [ يمنع ] التعرض لأي شخص بالإهانة أو الإيذاء أو التشهير أو كتابة ما يتعارض مع القوانين المتعارف عليها .
  • [ يمنع ] التسجيل في المنتديات لهدف طرح إعلانات لمواقع أو منتديات أخرى .
  • [ يمنع ] طرح أي شكوى ضد أي مشرف أو عضو علناً ، و في حال كان لا بد من الشكوى .. راسل المدير العام من خلال رسالة خاصة .
  • [ يمنع ] استخدام الرسائل الخاصة لتبادل الكلام المخل للآداب مثل طلب التعارف بين الشباب و الفتيات أو الغزل وإن إكتشفت الإدارة مثل هذه الرسائل سوف يتم إيقاف عضوية كل من المُرسِل والمُرسَل إليه ما لم يتم إبلاغ المدير العام من قبل المُرسَل إليه والرسائل الخاصة وضعت للفائدة فقط .
  • [ يجب ] احترام الرأي الآخر وعدم التهجم على الأعضاء بأسلوب غير لائق.
  • عند كتابة موضوع جديد يرجى الابتعاد عن الرموز والمد الغير ضروري مثل اأآإزيــــآء هنـــديـــه كـــيـــوووت ~ يجب أن تكون أزياء هندية كيوت
  • يرجى عند نقل موضوع من منتدى آخر تغيير صيغة العنوان وتغيير محتوى الأسطر الأولى من الموضوع

ضوابط استخدام التواقيع
  • [ يمنع ] وضع الموسيقى والأغاني أو أي ملفات صوتية مثل ملفات الفلاش أو أي صور لا تتناسب مع الذوق العام.
  • [ يجب ] أن تراعي حجم التوقيع , العرض لا يتجاوز 550 بكسل والارتفاع لا يتجاوز 500 بكسل .
  • [ يمنع ] أن لا يحتوي التوقيع على صورة شخصية أو رقم جوال أو تلفون أو عناوين بريدية أو عناوين مواقع ومنتديات.
  • [ يمنع ] منعاً باتاً إستخدام الصور السياسية بالتواقيع , ومن يقوم بإضافة توقيع لشخصية سياسية سيتم حذف التوقيع من قبل الإدارة للمرة الأولى وإذا تمت إعادته مرة أخرى سيتم طرد العضو من المنتدى .

الصورة الرمزية للأعضاء
  • [ يمنع ] صور النساء المخلة بالأدب .
  • [ يمنع ] الصور الشخصية .

مراقبة المشاركات
  • [ يحق ] للمشرف التعديل على أي موضوع مخالف .
  • [ يحق ] للمشرف نقل أي موضوع إلى قسم أخر يُعنى به الموضوع .
  • [ يحق ] للإداريين نقل أي موضوع من منتدى ليس من إشرافه لأي منتدى أخر إن كان المشرف المختص متغيب .
  • [ يحق ] للمشرف حذف أي موضوع ( بنقلة للأرشيف ) دون الرجوع لصاحب الموضوع إن كان الموضوع مخالف كلياً لقوانين المنتدى .
  • [ يحق ] للمشرف إنـذار أي عضو مخالف وإن تكررت الإنذارات يخاطب المدير العام لعمل اللازم .

ملاحظات عامة
  • [ يمنع ] كتابة مواضيع تختص بالوداع أو ترك المنتدى وعلى من يرغب في ذلك مخاطبة الإدارة وإبداء الأسباب.
  • [ تنويه ] يحق للمدير العام التعديل على كل القوانين في أي وقت.
  • [ تنويه ] يحق للمدير العام إستثناء بعض الحالات الواجب طردها من المنتدى .

تم التحديث بتاريخ 19\09\2010
شاهد أكثر
شاهد أقل

فسحه في مصر ---- مين عايز ييجي مصر

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • فسحه في مصر ---- مين عايز ييجي مصر

    السلام عليكم ورحمه الله وبركاته

    ليه أصحاب كتير هنا عايزين يروحو مصر ويشوفوها

    وقلت لازم أعمل لهم دا الحين مرشده سياحيه

    يارب أنفع

    ياريت لو الموضوع عجبكم تقيموه


    معلش الصفحه تقيله في التحميل ---- سيبها تحمل براحتها عشان الصور تظهر


    رحله 1 ---- رحله القاهره والاسكندريه ومطروح وصور الجيزه


    رحله 4 ورحله 5----- رحله الأقصر و أسوان -----

    رحله 7 شرم الشيخ والغردقه وطابا ونويبع ودهب وسانت كاترين وطور سيناء


    كاترين وطور سيناء

    ---------------------------------------------------------
    نبدأ على بركه الله رحله القاهره


    نزلت من الطياره---
    حمداً لله على السلامة .. ده يوم سعدك
    لأن هو ده التاكسي الفاخر المجهز خصيصاً لنقلك من المطار إلى الفندق




    ونظراً لأن مقامك عالي وتشريفك غالي عندنا .. فقد اخترت لك هذا الفندق الذى يليق بك

    وبنظرة من الفندق على النيل وعلى مصر الجميلة ستشاهد جمال يفوق الوصف
    ومن شدة الجمال لن ترتاح وأنا واثق سوف تنزل تاخذ لفة على السريع





    و علشان تعبت من كتر اللف هاريح لك رجليك وافسحك فسحة بالحنطور



    دا كوبري قصر النيل




    والمكان ده عبارة عن منظر داخلي
    من منطقة الجزيرة حيث توجد دار الأوبرا

    .


    ومن هذا المكان
    سوف تشاهد برج القاهرة





    وهانطلع على البرج ونشاهد أجمل صورتين للقاهرة من الأعلى

    منظر عام لمنطقة الأوبرا ونادي الأهلي بالجزيرة




    ومنظر للنيل وفندق وكوبري 6 اكتوبر وماسبيرو ومبنى وزارة الخارجية الجديدة




    ومن على البرج هاننزل ونروح على قصر عابدين



    اتفضل -----








    و دلوقت نروح المتحف المصري









    لو تعبت .. تعالى نريح جنب اصحابنا على كوبري قصر النيل



    ولا نركب مركب في النيل







    دي قلعة صلاح الدين الأيوبي





    وده المتحف الحربى فى قلعة صلاح الدين




    أكيد هاتقولي ضيعت لنا اليوم فى القلعة .. ولا تزعل .. بس هنرجع لها تاني

    عايز نروح المول




    ولا أقولك ---- بينا نطلع على منطقة الحسين والأزهر والغورية

    الأزهر الشريف




    حديقه الأزهر


    الحسين




    وعندي ليك مفاجأه

    هاحليلك بقك بفطيرة خطيرة من عند فطاطري الحسين





    طيب نلف شويه هناك

    ولا أقولك

    احنا نصلي العشاء في الحسين وننام عشان نكمل بكره ان شاء الله







    "تسلم يامبدع أبوحميد"

    لاتستهن بالمرآة إذاجرحتهاولاتنخدع تلك الضحكات الوهميةالتى تخفى وراءهاآلامها
    المرآة التى تخفى قوتها وراء ضعفها وقد تتفهم كل ما يدور حولها ولكنها تصمت لغرض فى سرها
    فلا يخدعك غرورك وتظن إنك منتصر فمن خسر مرآه مخلصة فليعلم إنه خسر سر الحياة

  • #2
    رد: فسحه في مصر ---- مين عايز ييجي مصر

    صباح الخير

    الساعه 6 صباحا يا زعيم

    نبدأ على بركه الله

    الأول نطل على مصر الساعه 6 صباحا










    واتفضل الفطار و ركز على الفول عشان الطاقه :



    ونبدأ جولتنا الثانيه الآن من تحت الأرض
    ماتخافوش أنا أقصد من المترو



    وهاننزل مع بعض في ميدان التحرير
    وهانطلع فوق فندق النيل هيلتون
    وننقل لكم صورًا من أعلاه للمنطقة المحيطة به
    وأول صورة ستكون منظر علوي لحوض السباحة للفندق
    ويظهر في خلفيته وبجواره
    فندق سميراميس وجانب من كوبري التحرير





    حاضر حاضر هنروح مسجد السلطان حسن اللي زاره الرئيس أوباما وهيلاري كلينتون


















    طيب نشوف كمان مساجد عريقه بمصر الحبيبه
    مسجد عمرو بن العاص





    ]جامع ابن طولون[






    كدا خلصنا

    عايز تشتري شويه هدايا ايه رأيك في :

    سيتي ستارز مول











    ولا أقولك بينا على خان الخليلي أرخص:













    وهانترك خان الخليلي
    ونطلع على
    الغورية
    نشتري شوية عطارة من هناك
    وصدقني منطقة الغورية دي
    ليها رائحة ذكية خطيرة جدًا
    هي عبارة عن كوكتيل خطير من
    التوابل والبهارات والعطارة مستحيل تنساها أبدًا











    ونترك المنطقة التاريخية الإسلامية القديمة
    ونذهب لمكان تاريخي أخر
    ويقع في منطقة مصر الجديدة وهو
    قصر البارون
    وهو من القصور التاريخية القديمة










    ودلوقت بينا على صلاح سالم

    ونروح مكان جديد شويه

    بانوراما حرب أكتوبر
    والبانوراما يعني تجسيد أشبة بالحقيقة لحرب أكتوبر





















    دلوقت ندخل جوا مبني البانوراما نفسه وفيه 3 قاعات ب 3 عروض زي السينما بس موجودة فوق أرضية دائرية وبتلف والبانوراما كأنك داخل أرض المعركه









    عايز تقرأ أكتر عن حرب أكتوبر ؟ طيب نطلع مع بعض على دارالكتب المصرية









    وفي الطريق لدار الكتب يمكننا أن نشاهد الأبراج الحديثة
    في منطقة الكورنيش من خلال الصورة التالية
    التي تجمع القديم والحديث من فن العمارة في صورة واحدة











    ومع دخول الليل على القاهرة -------









    وبعد اللف طول النهار أكيد جوعت مني:

    أحلى طبق كشري مصري ليك اتفضل:








    وكمان المشروب الشعبي المصري الخطير----- عصير القصب

    المبنى اللي هناك ده محطه مصر --- اتفضل


















    فرصه واحنا في المحطه نركب القطر ونسيب مدينه الألف مئذنه (وان لم نرى كل ما فيها) ونروح علي عروسه البحر ((الاسكندريه)) ------



    "تسلم يامبدع أبوحميد"

    لاتستهن بالمرآة إذاجرحتهاولاتنخدع تلك الضحكات الوهميةالتى تخفى وراءهاآلامها
    المرآة التى تخفى قوتها وراء ضعفها وقد تتفهم كل ما يدور حولها ولكنها تصمت لغرض فى سرها
    فلا يخدعك غرورك وتظن إنك منتصر فمن خسر مرآه مخلصة فليعلم إنه خسر سر الحياة

    تعليق


    • #3
      رد: فسحه في مصر ---- مين عايز ييجي مصر

      كل سنه وانت طيب النهارده العيد وناويلك على لفه جامده جدا في عروس البحر المتوسط(الاسكندريه) على فكره دي بلد أستاذ عمرو خالد


      نبدأ جولتنا من مدخل الاسكندريه وهناك هتستنانا الأخت ندى :-)





      و من الأول كده الأخت AROA هتأكلنا أكله سمك وجمبري اسكندراني محصلتش عشان ورانا مشاوير كتير

      الأول نركب الترام لمحطه الرمل---





      ونصلي الظهر في مسجد القائد ابراهيم






      وبالمره نشوف ميدان سعد زغلول وهو يعتبر أكبر واقوي زعيم


      مصري التف حوله الشعب باكملة



      و نتمشى على الكورنيش الساحر ----- عايز بطاطا- ترمس - دره --- كله موجود









      ونروح نزور المبنى الرائع ---- مكتبه الاسكندريه










      ومعايا صورة ليها بالليل





      وقدام المكتبه ممكن نشوف منطقة السلسلة

      ونرجع تاني المنشيه عشان نزور قبرالجندي المجهول









      بينا على الأنفوشي عشان نزور قلعه قايتباي ---القلعة مبنية منذ 540 عام تقريباً .. وذلك بهدف حماية الإسكندرية من غزو الأتراك]









      واحنا في الأنفوشي بالمرة نزور متحف الأحياء المائيه ويضم مجموعة نادرة محنطة وحية لمختلف الأسماك والأحياء المائية





      مع إعطاء معلومات عن كل نوع











      دلوقت نروح المنتزه في السريع ----
      دا قصر وحدائق الملك فاروق فى المنتزه--]









      و ادي المعمورة




      ونركب عشان نروح المسرح اليوناني الروماني والذي يرجع الى بدايه القرن الرابع الميلادي وبذلك مرت عليه ثلاثه عصور ( الروماني – البيزنطي ( المسيحي ) – الاسلامي )






      وده عمود السواري


      ودي حمامه كانت واقفه على قاعدة العمود :-)


      ونركب عشان نروح كوبري ستانلي قبل الليل




      كفايه عليك كده ----- شكلك عالآخر

      اختار فندق يناسبك من دول ----
      سان ستيفانو جراند بلازا ---- وهو مجمع تجاري فندقي سكني ضخم يقع على الشاطيء في حي سان ستيفانو في مدينة





      الاسكندرية في مصر




      هيلتون جرين بلازا : وموجود في سُمُوحه


      فندق فلسطين : في المنتزة عالبحر


      شكلك عجبك فندق الفورسيزون بسان استفانو




      اتفضل جناح خاص لحضرتك



      يتبع ان شاء الله





      "تسلم يامبدع أبوحميد"

      لاتستهن بالمرآة إذاجرحتهاولاتنخدع تلك الضحكات الوهميةالتى تخفى وراءهاآلامها
      المرآة التى تخفى قوتها وراء ضعفها وقد تتفهم كل ما يدور حولها ولكنها تصمت لغرض فى سرها
      فلا يخدعك غرورك وتظن إنك منتصر فمن خسر مرآه مخلصة فليعلم إنه خسر سر الحياة

      تعليق


      • #4
        رد: فسحه في مصر ---- مين عايز ييجي مصر

        صباح الخير تاني يوم العيد ---- استعد عشان نلحق أول أتوبيس لمرسى مطروح


        معلش الطريق طويل شويه لكن المكان بجد يستاهل

        هفرجك على شويه صور لأماكن يمكن متلحقش تزورها --- عشان متحسش بطول الطريق

        اتفرج ياسيدي

        دول صور من دريم بارك من أكبر وأهم مدن الملاهي وألعاب الأطفال في مصر












        ودول من القريه الفرعونيه بالجيزة وهو عباره عن مكان يتم فيه تجسيد الحياه الفرعونيه القديمه بكل صورها . وهناك زوارق أو مراكب مزودة بمدرجات ليجلس عليها الزوار. ومن خلال المرور بالمركب عبر عدة قنوات متشابكة تحيط بها الأشجار والحشائش يستطيع الزائر أن يرى أمامه مشاهد تمثيلية يقوم بها ما يزيد على مائة ممثل وممثلة تصور تفاصيل الحياة الفرعونية.‏ ‏











        ودي صور كمان من الجيزة

        دي جامعه القاهره




        ودول أهرامات الجيزة





        خوفو ----






        خفرع---






        منقرع أو بالأصح ( من كاو رع ).....






        ودي صورة للأستاذ أبو الهول من قرب





        ودى صورة تذكارية ليه مع هرم خوفو.....





        ودة هرم سقارة......




        ودي صور الهرم من فندق الميناهاوس









        ودي صور من عرض الصوت والضوء الرائع------













        حمد الله عالسلامه وصلنا مطروح أخيرا---











        أحسن حاجه في مطروح ---- التاكسي بتاعهم أبيض في لبني ------ المهم هناخد تاكسي للفندق اللي عالبحر عشان تستريح شويه ونبدأ جولتنا




        "تسلم يامبدع أبوحميد"

        لاتستهن بالمرآة إذاجرحتهاولاتنخدع تلك الضحكات الوهميةالتى تخفى وراءهاآلامها
        المرآة التى تخفى قوتها وراء ضعفها وقد تتفهم كل ما يدور حولها ولكنها تصمت لغرض فى سرها
        فلا يخدعك غرورك وتظن إنك منتصر فمن خسر مرآه مخلصة فليعلم إنه خسر سر الحياة

        تعليق


        • #5
          رد: فسحه في مصر ---- مين عايز ييجي مصر

          بسم الله نبدأ جولتنا في مرسى مطروح ------ بس نروح الأول نصلي في جامع العوام باعتباره من أقدم مساجد المدينه من أيام جمال عبد الناصر






          دلوقت ممكن نتمشى على كورنيش شاطىء العوام الساحر---- أتركك تتأمل جمال المياه







          لو تعبت من المشي اتفضل استريح هنا----









          مش ممكن الهدوء في البلد دي ------- تخيل دا وقت الذروة!!!!!






          دلوقت خطتنا نروح شاطىء مبارك شويه




          وبعدين نعدي على مسرح الشاطيء شويه تانيين







          وبعدين هناخد تاكسي في جوله سريعه في البلد لمشاهده الجداريات والمجسمات والفنون التشكيلية التي تمثل تراث مطروح والمنتشره في كل مكان :

          جدارية المقامة أمام مبنى المحافظة









          وجدارية أخرى موجود بجوار مستشفى مطروح



          ومجسم لفرس البحر عند كوبري روميل





          ومجسم عند مدخل شاطيء مبارك





          مجسم بالقرب من الميناء القديم





          مجسم بالقرب من سينما السلام الصيفي





          ومجسم ب لاند مارك





          اممممم ---- معرفش اسم الحته دي بصراحه





          ولا دي







          ودلوقت نروح نتغدى عند كافيتيريا عنطظه










          كده تمام ----- نقدر دلوقت نلف على شواطىء مطروح الخلابه

          نبدأ بشاطىء عجيبه وهو فعلا عجيب لتمايز ألوانه الرائعه ----- سبحان الله















          شاطئ رويال بالاس





          شاطيء الأُبيِّض



          شاطيء سان جوفاني


          شاطىء كليوباترا





          صخره ليلى مراد


          وكمان سيوة عشان خاطر الأخت نرمين






          بس كفايه كده ----- نرجع وسط البلد عشان أركبك الطفطف





          وأعزمك عند عضمضم





          "تسلم يامبدع أبوحميد"

          لاتستهن بالمرآة إذاجرحتهاولاتنخدع تلك الضحكات الوهميةالتى تخفى وراءهاآلامها
          المرآة التى تخفى قوتها وراء ضعفها وقد تتفهم كل ما يدور حولها ولكنها تصمت لغرض فى سرها
          فلا يخدعك غرورك وتظن إنك منتصر فمن خسر مرآه مخلصة فليعلم إنه خسر سر الحياة

          تعليق


          • #6
            رد: فسحه في مصر ---- مين عايز ييجي مصر

            أخوانى وأخواتى

            أرجو منكم أن لاتملوا من الرحله

            وتكونى معى من البدايه للنهايه

            هى طويله ولكنهم ستسعدوا

            فيها

            صدقونى


            لآخر الحله ستكون حوالى

            صفحتين من الموضوع


            "تسلم يامبدع أبوحميد"

            لاتستهن بالمرآة إذاجرحتهاولاتنخدع تلك الضحكات الوهميةالتى تخفى وراءهاآلامها
            المرآة التى تخفى قوتها وراء ضعفها وقد تتفهم كل ما يدور حولها ولكنها تصمت لغرض فى سرها
            فلا يخدعك غرورك وتظن إنك منتصر فمن خسر مرآه مخلصة فليعلم إنه خسر سر الحياة

            تعليق


            • #7
              رد: فسحه في مصر ---- مين عايز ييجي مصر

              حمد الله عالسلامه ---- وصلنا مطار الأقصر الدولي

              دلوقت ناخد تاكسي للفندق ----

              والآن مع نظره عامه على مدينه الأقصر -----









              وده الفندق اللي اخترته ليك --- ايه رأيك؟




              أكلمك شويه عن مدينه الأقصر ----

              - مدينه الأقصر بها ثلث آثار العالم
              لايستطيع مواطن فيها أن يحفر لبناء منزل جديد أو لأى سبب آخر دون وجود مندوب من هيئة الآثار بجواره أثناء العمل...
              -الأقصر مذكورة في التوراة بإسم ( نو آمون ) يعني مدينة آمون
              -
              - كانت الأقصر جزءا من طيبة القديمة وكانت مقعد القوة لمدة 1350 عاما متتالية
              -
              - وهي مدينه المائة باب كما قال عنها المؤرخ الإغريقى هوميروس بسسب أبنيتها ذات الأبواب الكبيرة

              - تتكون من البر الغربي والشرقي .. والذي يفصلهما نهر النيل
              كان الفراعنة يسمون البر الشرقي بمدينة الأحياء .. حيث قصور الملوك والمعابد الدينية وبيوت عامة الشعب
              أما البر الغربي كانوا يسمونه مدينة الأموات حيث المقابر .. والتي تتم زيارتها إلى الآن



              كفايه كده ---- أسيبك تستريح عشان تستعد للرحله--------



              بسم الله نبدأ رحلتنا بجوله على مركب صغير(فلوكه) في النيل---





              على فكره النيل هنا عريض شويه لانه قريب من منابعه

              دلوقت نروح نزور معبد الأقصر:


              وقد تم بناء المعبد في عهد الفرعونين امنحتب الثالث ورمسيس الثاني والذي شيد صرحا في مدخل المعبد ويضم تمثالين ضخمين يمثلانه جالسا. وقد أقام رمسيس مسلتين لتزينا مدخل المعبد ما زالت احداهما قائمة حتى الان، أما الاخرى فتزين ميدان الكونكورد في العاصمة الفرنسية باريس

















































              ودا من عرض الصوت والضوء:













              بين معبد الأقصر والكرنك ---- متحف الأقصر

              ويضم المتحف المجموعات الأثرية الفرعونية التى عثر عليها فى مدينة الأقصر والمناطق المجاورة .






              ودلوقت نمشي في طريق الكباش عشان نوصل معبد الكرنك :










              ودا طريق الكباش في عرض الصوت والضوء



              أما معبد الكرنك فقد عرف هذا المعبد عند المصريين القدماء بأسم "اى بوت - اى بوت " أي أكثر الأماكن احتراماً , وقد تم بناءه بمقاييس مهيبة وتبلغ مساحة المكان مائة فدان ويمتد تاريخه على مدى ثلاثة عشر قرناً

              ويعد أيضا من أعظم دور العبادة فى التاريخ، ويضم العديد من المعابد الى لا نظير لها من بينها معبد للأله أمون وزوجته الألهه (موت ) وأبنهما الإله ( خنسو ) اله القمر .. وعرف منذ الفتح العربى باسم الكرنك بمعنى الحصن..

              نستهل زيارة المعبد بالمرور من الصرح الأول الذى يرجع إلى الملك نختبو ( الأسرة 30 ) ومنه إلى الفناء الكبير ويوجد على يمين الداخل ثالث مقاصير لثالوث طيبة من عهد سيتى الثانى، وعلى اليسار يرى معبد رمسيس الثالث .
              يلى ذلك بقايا الصرح الثانى ومنه إلى صالة الأعمدة الكبرى التى تحتوى على134 عموداً












































              أما البحيرة المقدسة فتقع خارج القاعة الرئيسية من المعبد حيث يوجد هناك تمثال كبير للجعران( اله الحظ للمصريين القدماء) وكان هذا التمثال هدية الى الملك امنحتب.







              وتلك التى كان يغتسل فيها الكهنه قبل اداء ايه مراسم دينيه
              وتستمد هذه البحيره
              ماء ها من نهر النيل ولا يزيد فيها منسوب المياه او ينقص حتي
              مع تغير ارتفاع او نقصان منسوب النيل وهذا واحد من براهين
              اثبات عبقريه المهندس المصري القديم العظيم





              "تسلم يامبدع أبوحميد"

              لاتستهن بالمرآة إذاجرحتهاولاتنخدع تلك الضحكات الوهميةالتى تخفى وراءهاآلامها
              المرآة التى تخفى قوتها وراء ضعفها وقد تتفهم كل ما يدور حولها ولكنها تصمت لغرض فى سرها
              فلا يخدعك غرورك وتظن إنك منتصر فمن خسر مرآه مخلصة فليعلم إنه خسر سر الحياة

              تعليق


              • #8
                رد: فسحه في مصر ---- مين عايز ييجي مصر

                الان نقوم بجولة لزياره آثار الضفه الغربيه
                ونبدأ بتمثالى ممنون
                و هما كل ما تبقى من معبد تخليد الذكرى للفرعون امنحتب الثالث ويصل ارتفاع الواحد نحو 19.20 متر وقد أطلق الإغريق هذا الأسم عندما تصدع التمثال الشمالى منهما وأخرج صوتا – فشبهوه بالبطل الأسطورى ممنون الذى قتل فى حرب طرواده





                ودلوقت احنا في الدير البحري أو المعبد الجنائزي الذي شيدته الملكة العظيمة حتشبسوت لتؤدي فيه الطقوس التي تفيدها في العالم الأخر أما اسم الدير البحري فهو اسم عربي حديث أطلق على هذه المنطقة في القرن السابع الميلادي.








                وده
                وادي الملوك
                ،يحتوي على حوالي 62 مقبرة لملوك الفراعنة ،الأسرات الثامنة عشرة، وحتى نهاية الأسرة العشرين،








                أهمهم مقبره توت عنخ آمون






                وده وادي الملكات وترقد فى أرجائه ملكات الأسر 18، 19، 20 وكذلك بعض مقابر الأمراء والأميرات من هذه الفترة أيضاً. ويبلغ عدد هذه المقابر حوالى 70 مقبره معظمها أصابها التلف ...






                وأجملهم مقبره الملكه نفرتاري زوجه رمسيس الثاني الأساسيه(ممكن تكون امرأه فرعون والله أعلم)



                ونروح معبد الرمسيوم :

                وهو تخليد لذكرى لرمسيس الثانى ومسجل على جدرانه معركه قادش .


                ومعبد مدينة هايو



                تخليدا لذكرى للملك رمسيس الثالث وبه مناظر دينية وحربية فى حالة جيدة من الحفظ ولازالت ألوانه زاهية .ومن أهم مقابر المنطقة: مقابر الأشراف وأهم ماتنقله لنا مظاهر الحياة للنبلاء وعائلاتهم .



                ومعبد دندره:وهو أحد المعابد المصرية الفرعونية القديمة وقد بدأ بناء هذا المعبد بطليموس الثالث، ثم قام الحكام البطالمة الرومان فيما بعد بإدخال إضافات كثيرة عليه.‏ ‏ ويحتوي هذا المعبد على لوحة فنية مشهورة للملكة "كليوباترا" وابنها سيزاريون يوليوس قيصر وتشتهر سقوفه بالمناظر الفلكية العديدة التى تضم الأبراج السماوية








                ومعبد اسنا . ,وهو يُعتبر المعبد اليونانى-الرومانى المُكرس للإله "خنوم "و يرجع تاريخه إلى حوالي 3 آلاف عام










                أكيد تعبت

                كويس اني عملت سندوتشات كتير ----






                تتسلى واحنا راكبين الحنطور واعمل حسابك احنا رايحين أسوان ان شاء الله






                "تسلم يامبدع أبوحميد"

                لاتستهن بالمرآة إذاجرحتهاولاتنخدع تلك الضحكات الوهميةالتى تخفى وراءهاآلامها
                المرآة التى تخفى قوتها وراء ضعفها وقد تتفهم كل ما يدور حولها ولكنها تصمت لغرض فى سرها
                فلا يخدعك غرورك وتظن إنك منتصر فمن خسر مرآه مخلصة فليعلم إنه خسر سر الحياة

                تعليق


                • #9
                  رد: فسحه في مصر ---- مين عايز ييجي مصر

                  مرشدة دا اقل حاجة انت فنان ورئيس قسم
                  اقلك على حاجة انا لم اعد بروفيسير انت البروفيسير
                  تحيا مصر long live egypt
                  انا كان نفسى اعمل موضوع لمصر بس مش هيكون بالجمال ده
                  بس عملت موضوع صغير كدة عن الحرب انت مريتى بى اكيد
                  انا زرت ماجك لاند مرة فى حياتى وكانت مكلفة تشكرى على دريم بارك
                  وزرت المعمورة ورحت رحلة للاهرمات ونفسى كل الناس تزورهم
                  كثير جمال

                  تستحقى تقييم كثير اوى اوى اوى
                  تسلمى لمصر

                  لا تخشانى فانا لست هكذا الا مع من يعارضنى فى تحقيق احلامى
                  اسعى للوصول للكون المثالى !!!!
                  هيا بنا يدا فى يد لتحقيق احلامنا

                  تعليق


                  • #10
                    رد: فسحه في مصر ---- مين عايز ييجي مصر

                    الحمد لله وصلنا المرسى---- عشان نركب الباخره المتجهه الى أسوان









                    ممكن تستمتع بالنيل من الشرفه:







                    واتفضل شاي صعيدي بالنعناع





                    و دي صور للمركب المجاور







                    كدا احنا في أسوان خلاص:























                    شوفوا سبحان الله الصخرة عاملة شكل فيل




                    ودا كوبري أسوان المعلق





                    هنا احنا في وسط البلد












                    إبتسامة واسعة ودودة، تظهر من خلفها أسنان شديدة البياض لبشرة سمراء، يستقبلك أصحابها وكأنك واحد منهم عاد بعد سنوات من الغياب، وشمس ساطعة طوال اليوم تكمل أشعتها دفء الإبتسامة التي استقبلك بها أهل المكان

                    ممكن تستريح في الفندق شويه









                    ولا احسن نبدأ جولتنا على بركه الله

                    أول مكان نزوره السد العالي عشان نفضى للآثار:

                    السد العالي أكبر سدود العالم خلال القرن العشرين --- تعتبر محطة توليد السد العالي أكبر محطة مائية للكهرباء في افريقيا









                    النصب التذكاري للسد العالي






                    خلف السد العالى توجد بحيرة ناصر : وتسمى أيضاً بحيرة السد العالي
                    وهي ثاني أكبر البحيرات الصناعية في العالم وتمتد حتى السودان

                    بعد ما خلصنا السد العالي

                    نذهب سريعا الي زهرة اللوتس التي اهديت الي جمال عبد الناصر كرمز الصداقه المصري السوفيتي







                    وبعدين المسلة الناقصة

                    وهى عبارة عن مسلة ضخمة لم يكتمل نحتها . ولاتزال المسلة الناقصة موجودة فى نفس المكان الذى تم اكتشافها فيها .

                    وترجع أهميتها إلى توضيح أساليب قطع المسلات القديمة كما توضح مدى المجهود والوسائل التي كان يلجأ إليها
                    المصريون القدماء في سبيل نحت هذه المسلات وهذه المسلة لم تكتمل بسبب وجود شرخ فى القاعده فتركوها فى هذا المكان



                    يتبع-----


                    "تسلم يامبدع أبوحميد"

                    لاتستهن بالمرآة إذاجرحتهاولاتنخدع تلك الضحكات الوهميةالتى تخفى وراءهاآلامها
                    المرآة التى تخفى قوتها وراء ضعفها وقد تتفهم كل ما يدور حولها ولكنها تصمت لغرض فى سرها
                    فلا يخدعك غرورك وتظن إنك منتصر فمن خسر مرآه مخلصة فليعلم إنه خسر سر الحياة

                    تعليق


                    • #11
                      رد: فسحه في مصر ---- مين عايز ييجي مصر

                      وبعدين مكان رائع وهو جزيرة النباتات
                      Kitchener's island


                      ويطلق عليها أيضاً جزيرة البستان ..
                      وهي جزيرة وسط النيل بيضاوية الشكل .. مساحتها 17 فدان ، بها متحف للأحياء النباتية والمائية ، كما أنها تضم مجموعة نادرة من النباتات الإستوائية تم تجميعها من كل أنحاء العالم ، مثل : التمر هندي - الماهونجي - السنط - الأبنوس - الكافور - الفلين - البومباكس ، كما يوجد بها أشجار الفاكهة الإستوائية كالمانجا والأناناس والتين والأوجينيا وجوز الهند ، بالإضافة للنباتات الطبية والعطرية كالحناء والكركديه والريحان والسواك واللبان
















                      وقريب منها جزيرة الفنتين :



                      وكانت من أقوى الحصون على حدود مصر الجنوبية وتقع حاليا مقابل فندق "كتراكت" وكان معبودها
                      الإله "خنوم" وهو على شكل رأس كبش










                      منظر لأحد بيوتها المبنية من طوب خاص









                      ودي :جزيرة أجيليكا ---


                      وتحتضن معبد وآثار فيلة التي أغرقتها مياه النيل وقد تم فك معبد فيلة وأعيد تجميعه فوق الجزيرة التي تبعد بمسافة 500 متر
                      من موقع معابد فيلة ---وده منظر الجزيرة بعد نقل المعبد عليها:
                      .






                      ودي بعض الآثار الغارقه في النيل:


                      ودا معبد ابو سمبل اجمل معابد رمسيس الثانى


                      وهو موقع أثري يوجد ببطن الجبل جنوبي
                      أسوان
                      ويتكون من معبدين كبيرين نحتا في الصخر.

                      عام 1250 ق.م
                      واجهة المعبد الكبير وتظهر فيها أربعة تماثيل لرمسيس الثاني بارتفاع عشرين مترا








                      وقد وجد
                      المؤرخون
                      بعد بحث طويل أن هناك معجزة فلكية
                      بالمعبد وهي أن الشمس تدخل إلى داخل المعبد في حجرة الظلام (حجرة كانت خاصة للملك وكبار الكهنة فقط) وتتعامد على وجه الملك رمسيس الثاني يومي 22 فبراير (عيد مولده) و22 أكتوبر (عيد جلوسه على العرش)



                      أحد وجوه
                      رمسيس الثاني
                      مرتديا التاج المزدوج لطبقتي مصر الدنيا والعليا



                      اما مقابر النبلاء --- فهي خصيصا

                      لحكام النوبة في الدولتين القديمة و الحديثة
                      وهي مقابر منحوته على صخور الجبل الغربي وتعود الى القرن الثالث
                      والعشرين ق م وقد اوضحت النقوش الدور الذي قام به الامراء في حماية البلاد
                      او القيام برحلات داخل افريقيا







                      ,ودلوقت نروح للمتحف النوبي :













                      "تسلم يامبدع أبوحميد"

                      لاتستهن بالمرآة إذاجرحتهاولاتنخدع تلك الضحكات الوهميةالتى تخفى وراءهاآلامها
                      المرآة التى تخفى قوتها وراء ضعفها وقد تتفهم كل ما يدور حولها ولكنها تصمت لغرض فى سرها
                      فلا يخدعك غرورك وتظن إنك منتصر فمن خسر مرآه مخلصة فليعلم إنه خسر سر الحياة

                      تعليق


                      • #12
                        رد: فسحه في مصر ---- مين عايز ييجي مصر

                        ونركب تاني المركب عشان نروح معبد كوم أمبو----

                        كده وصلنا مدينه كوم امبو ---- نستريح شويه هنا قبل أما نروح المعبد





                        أحسن حاجه تذاكر معبد كوم امبو مكتوب عليها معبد فيله --- ما علينا



                        يقع المعبد على ربوة عالية تشرف على النيل ويرجع تاريخه إلى عصر البطالمة كذلك توجد مقابر الدولة القديمة
                        في شمال مدينة كوم أمبو وهي تبعد عن المدينة حوالي 45 كم شمال أسوان وقد تم إنشاء المعبد عام 180 ق. م.
                        لعبادة الآلهة (سبك وحورس) ويعد هذا المعبد فريدا في تركيبه المعماري لأنه يقوم على محورين يمثل كل منهما قائما بذاته
                        كما تم عمل مشروع إضاءة متكامل لإنارة المعبد ليلا


































                        صخرة جرانيت عمرها اكثر من 1500 سنة ق.م




                        انتهينا من معبد كوم امبو خلاص ومتوجهين الي المركب








                        وهنا وصلنا ادفو وركبنا الحنطور متوجهين الي معبد ادفو




                        الحمد لله التذكره المرة دي مظبوطه

                        معبد ادفو من أجمل المعابد المصرية ويتميز بضخامة بنائه
                        ويرجع تاريخ بناؤه إلى العصر البطلمي وقد خصص المعبد لعبادة الإله (حورس بحدتي) حيث تصور جدرانه قصة حورس وانتقامه من عمه ست





























                        لو تلاحظوا ان في مكان للنزول علي اليمين وده هننزل فيه عشان نشوف مفاجئة




                        مياه النيل تدخل بداخل المعبد ----- من اين لا اعلم الحقيقه ؟؟؟

                        خلاص كفايه كده نرجع المركب عشان نلحق وجبه العشا:





                        ونرجع الفندق عشان نستعد للرحله القادمه ان شاء الله



                        "تسلم يامبدع أبوحميد"

                        لاتستهن بالمرآة إذاجرحتهاولاتنخدع تلك الضحكات الوهميةالتى تخفى وراءهاآلامها
                        المرآة التى تخفى قوتها وراء ضعفها وقد تتفهم كل ما يدور حولها ولكنها تصمت لغرض فى سرها
                        فلا يخدعك غرورك وتظن إنك منتصر فمن خسر مرآه مخلصة فليعلم إنه خسر سر الحياة

                        تعليق


                        • #13
                          رد: فسحه في مصر ---- مين عايز ييجي مصر

                          واحنا في الطريق لشرم الشيخ ----

                          نتفرج على صور لباقي مدن محافظه جنوب سيناء :

                          طابا
                          نويبع
                          دهب
                          رأس سدر
                          سانت كاترين
                          طور سيناء


                          طيب واحده واحده عشان محدش يتلغبط /:

                          دي صور طابا :




















                          وبعدين نويبع:











                          قلعه صلاح الدين 60 كم من نويبع وبناها السلطان صلاح الدين الأيوبى عام 1170 م فوق الجزيرة لحماية الحدود الشرقية لمصر،


                          و دهب:

















                          "تسلم يامبدع أبوحميد"

                          لاتستهن بالمرآة إذاجرحتهاولاتنخدع تلك الضحكات الوهميةالتى تخفى وراءهاآلامها
                          المرآة التى تخفى قوتها وراء ضعفها وقد تتفهم كل ما يدور حولها ولكنها تصمت لغرض فى سرها
                          فلا يخدعك غرورك وتظن إنك منتصر فمن خسر مرآه مخلصة فليعلم إنه خسر سر الحياة

                          تعليق


                          • #14
                            رد: فسحه في مصر ---- مين عايز ييجي مصر

                            وراس سدر:














                            وسانت كاترين
















                            وبعدين طور سيناء:

                            الوادي المقدس " طوى "
                            الذي كلم الله فيه سيدنا موسى عليه السلام
                            بما يليق بجلالة الله عز وجل










                            الغار التى لجأ إليها نبى الله موسى - عليه السلام

                            فى الجبل









                            حمام موسى

                            حمام موسى عبارة عن عين ماء مازالت تنبع منها المياه الكبريتية إلى الآن ، التي تشفي من الروماتيزم ومن بعض الأمراض الجلدية بإذن الله
                            لذلك لم تسمى عين موسى .. وإنما حمام موسى







                            لسه موصلناش ------

                            طيب نتفرج على صور الغردقه كمان


























































                            كدا الحمد لله وصلنا مطار شرم الشيخ الدولي:

                            دلوقت نركب الباص التابع للفندق:





                            ده جامع الريس اللي على الطريق :








                            يتبع ----
                            "تسلم يامبدع أبوحميد"

                            لاتستهن بالمرآة إذاجرحتهاولاتنخدع تلك الضحكات الوهميةالتى تخفى وراءهاآلامها
                            المرآة التى تخفى قوتها وراء ضعفها وقد تتفهم كل ما يدور حولها ولكنها تصمت لغرض فى سرها
                            فلا يخدعك غرورك وتظن إنك منتصر فمن خسر مرآه مخلصة فليعلم إنه خسر سر الحياة

                            تعليق


                            • #15
                              رد: فسحه في مصر ---- مين عايز ييجي مصر

                              وده الفندق










                              وده المنظر العام من الفندق










                              فيه فنادق تانيه لو عايز -------------













































                              أساسا مفيش وقت للراحه مادام أنت في شرم الشيخ


                              خلينا نروح خليج نعمة : وهو مكان جميل يقع في قلب شرم الشيخ .. ستجد هناك جميع جنسيات العالم بأعداد كبيرة
                              فيه مشايتين تمشي بهما ويكون على جانبيهما المحلات التجارية والمقاهي والمطاعم
                              المشاية أو الشارع الرئيسي في خليج نعمة والذي ستمشي به يسميه السواح بـ : شانزلزيه شرم الشيخ





















                              واثناء جولتنا في خليج نعمه أكلمك شويه عن شرم الشيخ:


                              يشار إلى مدينة شرم الشيخ دائماً بأنها "أرض السلام"، لأن أرضها تشهد عقد كثير من المؤتمرات السياسية والعلمية والسياحية.

                              وقد استضاف الرئيس حسني مبارك عديد من الشخصيات العالمية وعقد كثير من المؤتمرات على أرضها، وذلك بهدف دعم السلام العالمى بوجه عام، ومن بين تلك المؤتمرات ما يلى:



                              1- قمة السلام لعام 1996 والذى حضرها كثير من رؤساء الدول العربية والعالمية.
                              2- قمة المجموعة 15 والذى عقدت لأول مرة فى مصر عام 1998 فى شرم الشيخ (وهذه القمة تعقد بالتناوب فى أحد دول المجموعة).
                              3- عقد إتفاقية واى ريفر بين الفلسطينيين، الذى مثلهم الزعيم ياسر عرفات وبين إسرائيل الممثلة فى رئيس وزارتها فى ذلك الوقت إيهود باراك فى سبتمبر 1999.
                              4- قمة شرم الشيخ الثلاثية التى حضرها الرئيس مبارك والزعيم عرفات ورئيس الوزراء الاسرائيلى فى كامب ديفيد.
                              5- قمة الرئيس مبارك وولى عهد المملكة العربية السعودية الأمير عبد الله فى شرم الشيخ لاستعراض الموقف العربى وعملية السلام والتعاون الثنائى.
                              6- القمة الثلاثية التى جمعت الرئيس مبارك وولى عهد المملكة العربية السعودية الأمير عبد الله والرئيس السورى بشار الأسد وذلك لمناقشة العملية المستمرة للسلام فى الشرق الأوسط والتركيز على المجال السورى-الفلسطينى فى المفاوضات.
                              7- قمة الرؤساء مبارك والأسد فى عام 1998 لاستعراض العلاقات الثنائية وأخر المستجدات على المستوى السورى-التركى بخصوص اتفاقية أدنا الأمنية بين البلدين.
                              8- القمة الثنائية بين زعماء مصر والأردن لمناقشة الموقف المتدهور فى الأراضى المحتلة وتمهيد الطريق لعقد قمة عربية.
                              9- قمة شرم الشيخ التى عقدت فى 17 أكتوبر عام 2000 والتى اعتبرت قمة رائدة دعا إليها الرئيس مبارك بجانب دعوته للمجتمع الدولى والولايات المتحدة لوضع نهاية لأعمال العنف التى تقوم بها إسرائيل فى الأراضى المحتلة.
                              10- واستضافت شرم الشيخ فى سبتمبر عام 2000 الملتقى الإستراتيجى لمنظمة التجارة العالمية.
                              11- مؤتمر الدول المانحة عقد فى الخامس من فبراير عام 2002 .
                              12- القمة العربية-الأمريكية عقدت فى شرم الشيخ فى الثالث من يونيو عام 2003، وناقشت القمة عملية السلام فى الشرق الأوسط والموقف فى العراق وكذلك محاربة الإرهاب.
                              وتحت شعار السلام الشامل والعادل، تستضيف مدينة شرم الشيخ جموع الشباب من أركان المعمورة ليقيموا معسكراتهم فوق أرضها. وتحت شعارات السلام والصداقة تجتمع هذه اللقاءات من مختلف الأديان والأجناس والألوان على المحبة والإخاء.

                              - كما عقد فى هذه المدينة معسكر عمل يجمع 150 مشاركاً من 20 دولة أوروبية وأفريقية وعربية فى أغسطس عام 1997 .
                              - وفى عام 1998 تم تنظيم معسكر أخر يضم 300 شاب من ثلاثين دولة وذلك فى جو من الصداقة والحب من أجل السلام معبرين عن حرصهم على تحقيق السلام العالمى.
                              - وفى عام 1999 إانضمت خمسون دولة لتلك المعسكرات والتى أصبحت أحد معالم شرم الشيخ. ويعبر المشاركين فى هذه المعسكرات عن تمسكهم الثابت بالسلام العادل والشامل وتشمل هذه المعسكرات أنواع مختلفة من الألعاب الرياضية والثقافية.




                              ايه كل الكلام ده ---- كفايه كلام بقى-----

                              نروح الشاطىء -----

                              على فكره النهارده فيه عرض الدلافين للأطفال(والكبار أيضا):






                              وفيه للأطفال كمان مدينه الملاهي المائيه أكوابارك:
















                              لكن خلينا نروح الشاطىء






                              نظافة ونقاء غير عادي




                              .

                              دا ممشى لمشاهده الأسماك في البحر
















                              يتبع ----
                              "تسلم يامبدع أبوحميد"

                              لاتستهن بالمرآة إذاجرحتهاولاتنخدع تلك الضحكات الوهميةالتى تخفى وراءهاآلامها
                              المرآة التى تخفى قوتها وراء ضعفها وقد تتفهم كل ما يدور حولها ولكنها تصمت لغرض فى سرها
                              فلا يخدعك غرورك وتظن إنك منتصر فمن خسر مرآه مخلصة فليعلم إنه خسر سر الحياة

                              تعليق

                              يعمل...
                              X