عودى لقلب شايلك فيه

عودى لصدر نمتى عليه

عودى ليل سهرانه

مع صورتك ودمعى ماليه

ورجعى معاكى أيامى

وهات وياكى أحلامى

وأملى اللى عشت عليه

بعدتى ليه مش عارف

ماهو قلبى كان دايما خايف

وكنت دايما أنا بواسيه

عــودى

شوفى وعودى

عــودى

شوفى عهودى

زارعها شجر وبحنانى بسقيه

رجعتى ليه وسبتينى

فى وسط السكه

رجعتى ليه وحرمتينى

من حلاوة الضحكه

عودى أنا مستنى

مع موالى اللى بيعذبنى

ونايى الحزين اللى كسرتيه

نهر الحب زعلان منى

بيقول دمعك بيزودنى

قلت يانهر الحب خلاص

أنا رايح أبكى بعيد عنك

بس ذنبه ايه الاخلاص

وياخسارة حب شربناه منك

من النهارده حاشوف طبيب

يداوى لى جرح الغرام

وينسينى أغلى حبيب

ومش عايز تانى أحلام

دحلم حلمته ياقلبى فى يوم

واّهة الجرح قالت قوم

انسى الحلم وصحى النوم

انسى الحلم وصحى النوم