قـِـسَـت وادري قساوتها ع شخصي بلا اسباب
سوى انه تبي ّ عذر ٍ يبرر بعض اهدافه
رجيته لا تهين الحب ّ ولا تفتح لهميّ باب
ولكن صدّت وراحت .. حرامـ الرب ّ ما تخافه
/
ابتعد في صمت وارحل في هـدوء
واتركـ جروحي تنامـ وتلتئمـ ..
وان حصل عنـي العواذل وانشـدوا
قـل لهمـ خـان المبادئ والقيمـ ..
سمني غدار أو سمني عدو
وانت سمي نفسكـ بـ سيـد الشيمـ ..
اتركـ احزانـي وارحـل
يمكن جروحي تطيب وتلتئمـ ..
/
اللي تنشّدني .. عن احوالي .. وانا جـداً حزين
منها اشتكي .. أسباب حزنـي .. واليها المُشتكـى
ياليت .. عيني ماتـهاب الدمع .. واذرف دمعتـين
وياحـظ منهو لا بغى يبكي على خلــه .. بكى
/
قلت : اصبري ، قالت : انا اقولكـ زين ؟
قلت : اتمنى ماتكونـي بخيلة
ضمت يديني .. قلت: توكـ تحنيــــــن
قالت يدينكـ بس ؟ هذي قليلة
يومـ احضنتني دمّعت ، قلت : تبكين
قالت : اظن الدمع (أصدق وسيلة)
ردّت ، وقالت : وشعذاب المحبـــين
قلت : الغياب ! وفي عيونكـ دليلة
/
الله يرحمـ ماضي الوقت وياكـ ..
كان الوله زايد بقلبكـ عشاني ..
واليومـ مدري
(( ياهوى البال ))
وش جـــاكـ ؟
مات الوله في داخلكـ أو نساني..؟
حسبي على الي غركـ اليومـ وأغواكـ..!
هذا جزا حبي وشوقي وحنـــاني..؟
/
لميت جرحي واحتضنته وسافرت
ما للوداع بخاطـري غير تجريح
ودي ولكن انصدمت وتصبرت
واقفيت اشد اخطاي بالغصب لا اطيح
ما هو جفا .. انا وفـي ما تغيرت
عقب الوداع .. فراق ما هو بتلميـح
ياليتني دمعـة فراق وتبخرت
لا( احساس) لا ( وجدان) لا (قلب يصيح)
/
امشي على ذكراكـ ولا تعثرت
يا ساكن الوجدان من دون تصريـح
ولو خيروني من الملا ما تخيرت
غيركـ حشا وش فيه ؟ .. من هبت الريح
/
بودعكمـ انا هاليومـ وداع بشوق نلقاكمـ ..
ولاتجوني بعتب أو لومـ انا مااخترت فرقاكمـ ..
انا برضى بهالمقسومـ ولكن والله منساكمـ ..
بودعكمـ وانا ملزومـ فمان الله يرعاكمـ ..
/
غلطانـه أمي يومـ على الطيب ربتني
تحسب ناسي مثل ناسها طيبيـن
قالت سامح كل من عليكـ يخطي
الناس تخطي وهمـ عن القصــد ساهيين
مسكينه أمي من غير قصـد ظلمتني
ما درت إن الطيب وحده المسكيـن
هذا يا يمه واقـع زماني
نفس إلي ضحكـ اليومـ ,, بكره يطعن بسكيـن
/
ابلفـظ انفاسي الاخيره وابرحل
لا مات قلبي عاد لا تنتظـر شي
وابدفنه واخفيـه في راس هالتـل
واعرف مكانه واطمئن مـات لو حي
ماعاد ابيه وماابي عنه تسـال
اللي جمعني فيكـ ما عاد له ضـي
نوره تلاشى ومـات من قبل يكمل
ولامات نور القلب لاترتجـي شي
/
قلبي تعب معـاد يقوى على جراح
يكفي تحملت الجروح الأليمـة
ودكـ تجدد كل جرح ٍ مضـى وراح
ودكـ تعيد الذكريـات القديمة
لا ماتحمل تجرح القلب ياصـاح
أقول يمكن في فراقـي غنيمـة
يمكن بعد فرقاي تسعـد وترتاح
دام الهـوى ماعاد له أي قيمـة