دلوعة قلبك
البارحة حنت
سافرت للأمس ... وجنت
إطرقت عليك باب الدفاتر
كان ليلها من دونك
مُرعب
مُخيف
فاتر
دلوعة قلبك
البارحة حنت
افتحت صحف الأمس
وجنت
مسحت غبار القصايد
إسترجعت إحساسها البايد
ياحلوها أيامك
كانت دلوعتك
كانت هيامك
دلوعة قلبك
البارحة حنت
إفتحت هالصناديق ... وجنت
كانت تتبع قصيدتك
عطرك
وجودك
جديدك
كانت حنونة حيل
إحضنت كل شيء منك
حتى الويل
دلوعة قلبك
البارحة حنت
إلمحت صورتك ... وجنت
حاولت
تجمل الصورة
وحاولت
تلملم مشاعر مكسورة
وحاولت
تصنع منك لقلبها أسطورة

دلوعة قلبك البارحة حنت
استرجعت صوتك ... وجنت
يا عمري أعشقك
اتنفسك
وتراتيل عشق نزفتها بإذنها ليالي
دلوعتك ... احضنت وسادتها
وبكت
وبكت
وبكت
حتى صار البكا شيء خيالي
دلوعة قلبك
البارحة حنت
إمسكت هالجوال ... وجنت ( قهر والله – الرقم غير مستخدم )
كانت تتفقد أرقامك
تتمنى تسرق صوتك من
أيامك
وتتردد
مسكينة هالدلوعة
كان في قلبها
شيء يكرهك
وشيء يرفضك وشيء ... لك يتـــــــودد
دلوعة قلبك
البارحة حنت
سافرت في وجهك ... وجنت
ونادتك
ونادت
ونادت
وكررت ...
البارحة أدركت
إنه الغياب غياب
وإنه الفراق فراق
وأنه الحنين .. مــــــــــــــــــــــــــوت
دلوعة قلبك
البارحة حنت
تجاهلت هالغياب ... وجنت
كانت غايبة عنهم ( بالحفلة )
بس ... موجودة
شرفها طيف جنابك ...
بوجوده
حاول يتمادى
حاول يتجاوز حدوده
دلوعة قلبك
البارحة حنت
اتحضرت طيفك ... وجنت
حطت إيدينها بيدينك
وإمسحت على راسك
وتساءلت بغباء
إلا قولــــي
كيف عشت بعدي ؟؟؟
مو على أساس إني أنفاســـــك ؟
دلوعة قبلك
البارحة حنت
قرت هالقصيد ... وجنت
بهالسطر ... كان لها قصر
وبهالشطر ... كان لها طفل
وبهالبيت ... كان لها بيت
وبها القصيدة تمنت
وبها لـفـقرة كثرت
أتمنى ... وياليت
دلوعة قلبك
البارحة حنت
تذكرت غيرتك ... وجنت ( والله هيا اللي بتغار )
يا عمري كبرتي
إستأذني إن خرجتي
حبيبتي وصيتــي ... العبايـــــة
والــبرقع أول ... الــــــــــــــوصايا
حبيبتي بجنـــون ... أغـــــــــار ( والله هيا اللي بتغار )
لا تحــــرقي
لا تعبثـــي ... بالنــــار
دلوعة قلبك
البارحة حنت
شمت هديتك ... وجنت
امطر مساها حنين
ونبت فيها اشتياق
تذكرت ليلة
اصرخت بوجهك
ياليتني أخـــــــــــــــــــــــــــــتك
ولا يهـــــــددني فيــــك ... إفــــــــــــــــــــــــــــــــــــــــــــــــ ـــــراق
دلوعة قلبك
البارحة حنت
إلمحت ورودك وجنت
تعلمت معك تبلـــع شوك
وورود
دلوعتك البارحة
عرت هالجرح من أوراق
هالتوت
إغمضت عينها حـــيل
إلمحت خنــاجر تمر
وغــدر يفــــــــــوت
دلوعة قلبك
البارحة حنت
تحسست هالجرح ... وجنت
تذكرت خيانتك ... وثارت
إحلفت تخـــــــون
وخانت
وخانت الخيانة
وما قدرت
تخونك
دلوعة قلبك
البارحة
كانت مختلفة
كانت تشوفك شيء
فيه الصدق
وفيه الخير
تصـــــــــــــــــــــــــــــور !