لما قلتى بحبك ... قلت الزمان صفالى
والدنيا ضحكت لى ... وحانسهر سوا الليالى
وطريق امل حامشيه ... وايدى مسكه ايديكى
وحانزرع الورد فيه ... وشموعه نور عينيكى
لكن الزمان استكتره ... وقال لى مالكش نصيب
وشرابك الحلو حامرره ... وحارجعك لدرب الغريب
قلت له ليه يازمان ... غاوى تعذب فيا
وليه عايزنى أعيش عطشان ... وتحرمنى حتى من الميه
رد زمانى العجيب ... وقال لى انسى الأمانى
حاتعيش طول عمرك غريب ... تشرب عذابى واحزانى
اّه .. اّه .. اّه
اّه يازمانى من ظلمك
اّه .. اّه .. اّه
اّه يازمانى من غدرك
نحلم ونبنى فى سنين ... وانت تيجى تهدم لنا
وتفرحك دموع العين ... ويسعدك عذابنا وحزننا
وحاتحداك يازمان ... وحارضى بغربتى
ومش لوحدى يازمان ... حاتكون معايا دمعتى
وحابنى بيها يازمان ... امانى تانى فى دنيتى
تعليق