كنت نايم.. وبعالم الأحلام هايم..
مدري في شو كنت أحلم ..

مره أحس اني اسوق سياره..
ومره اقول كنت مضيف طياره..

كان الجو بارد..
وكنت متغطي وشارد..

رن التلفون
وقلت ياترى من يكون؟؟
هذا المزعج هل هو صديق وألا مزيون..
هل هو عاقل وألا مجنون؟؟
رديت عليه وانا كلي شك وظنون!!
وبـرقة بعد ماكنت عصبي صرت انسان حنون..

سمعت صوت ماتوقعته..
ولا في خيالي تخيلته..
ولا حتى بحلمي سمعته..

بنت..
قلت هلا
وقالت اهلين..

نوره موجوده؟؟
قلت وأنا صوتي رايح فيها..
لحظه شوي بناديها..
وجلست أصوت واقول نوره .. يامن نوره يلاقيها..
ورديت للسماعه وقلت مدري وين راحت الله يهديها..

بس دقيقة ماعندنا نوره!!
وبادر البنت خوف!!
قالت آسفه غلطانه..
قلت ولا يهمك عادي لا تكونين زعلانه؟؟
مايهم اذا ماعندنا بالاسم فلانه..

قالت شكلك كنت نايم..
قلت لا.. توني قايم..

قالت تدرس ؟؟
قلت الدراسه خلاص باح..

انتي شكلك تدرسين؟؟
كيف اختباراتك ؟؟ عسى أنكم مرتاحين..
قالت باقي لنا ونخلص يومين
وخايفه والله من مادتين..
قلت من الاختبارات لآ تخافين..
دامش الليل تذاكرين..
وعلى الله تعتمدين..
واللي يزرع ( بطيخ ) ما يحصد يقطين..
أهم شي انك ماتنسين..
قبل الاختبار الله تدعين..
ومن إبليس تتعوذين……..
خلقه من نار وخلقنا من طين..

وجلسنا نسولف في أمور..
من شو اسمك لين غلاء المهور..

قالت اسمي (ود) وقلت لها انا امحمد..

وقالت صدفه غريبه اسامينا فيها دال..
تصدق كنت اتمنى يسموني نوال!!
تصدقين وانا كنت اتمنى يسموني جمال
وجلسنا نسولف في بحور الشعر والموال..
وماهمنا كلام الناس والعذال..
وفجاءة خلصت السوالف ولا لقينا اللي ينقال؟؟

وسكتنا..

الظاهر بعضنا هوينا..
وبدرب الحب ابتدينا..

قالت..
محمد..
قلت آمري يا ود..
قالت اوصف لي شكلك..

هذا وين توهقنا..
شوفي العرب لونهم واحد
ولسانهم واحد..
واحلف بالله ولا غيره أحد

أني ماني طويل ولا قصير..
شعري ناعم مثل الحرير..

قالت والعيون..
قلت العيون شبرين في ثلاثه اشبار
قالت اسد..
قلت شكرا يا احلى شهد

المهم تواعدنا..
والموعد في المول قررنا..
بين خوف وامل تواعدنا..

وقضيت ليلتي في حيرة..
وش البس؟؟ جنز وألا كندوره والله حيرة..
مافي غيرها يفك الحيرة..
شيشه و تعميرة..

ورجعت للبيت اعاتب امسي وابتسم لغدي..
وبصعوبة نمت..
قعدت اتقلب وون..
يا قلبي قلي شو اللي من الحب اهون؟؟
غريبه هالدنيا غريبة..

وراحت ليلتي.. وزادت بلوتي..
اليوم موعدي.. انا والحب بنلتقي..
وكشخت
لبست فوق راسي غترتي..
في مكان اللقاء تغيرت حتى خطوتي..
صرت ارتجف واترنح بمشيتي..
كأني انساق للموت وهاذي نهايتي..

مب سوالف شجاعة.. هذي اكبر بطولاتي..
اذا خسرت بتضيع
احلى امنياتي..

جلست ادور والف وحول المكان اطوف..
وين هذيك العين اللي عليها قلبي ملهوف..
ود؟؟ ياليت الناس تجي وتشوف..

وفجاءة..
وصلني مسج..
يقول..


سويتها فيك
ارجع بيتكم وخلي عنك هالسوالف ياتـعبان
روح نام ..
تعيش وتاكل غيرها
و سويتها فيك ..






المرسل:





الــــــــــــــــــوالده





مع تحيااتي


( ملطـوش )