هلق الشب خليه يقوللكو القصه بنفسه :


في يوم من الايام وانا افتش في الانترنت وهالمجلات واتفرج على الصور الي كل وحدة منهن احلى من الثانية شوفيت صورة نانسي بنت عجرم.. شحطت بريك سريع وبحلقت فيها واخذلي ربع ساعة ويمكن اكثر وانا انقد فيها.. وقوليت خلص بدهاش حكي.. بدي انادي امي..
وصوريت اصرخ باعلى صوتي يمااااااااااااااا يمااااااااااااا...



التفتت امي وقالت شو مالك شو بدك ؟؟



قلتلها بدي اياك بموضوع خطير وانا قررت ومش رايح اتراجع..



امي : وشو قررت ؟



انا : بدي اتزوج..



ردت امي بسرعة : ولاوووو بعدك زغير عشان تتزوج خليك تتخلص تعليمك وبصير خير..



انا : حرام عليك انا مسكين وفقير وبس اشوف صورتها بتعذب.. وعملت حالي بتشغنف واعصر بدموعي وما نزل الا دمعة وحدة >>> دموع التماسيح...



امي : خلص خلص انا قررت اتهور وبدي ازوجك الي بدك اياها..



انا : بدي بنت عمو عجرم..



امي : مين عجرم هاذ؟؟



انا قصدي انك تشوفيلي وحدة بتشبه نانسي..



لحظة خليني اطلع على صورتها في المجلة.. ولما امي صارت تطلع على الصورة صوريت اقول بدي زيها بالزبط.. بدي نفس المواصفات..



امي : خلص بكرا فيه عرس لابن جيرانا بشوفلك وحدة بتشبه نانسي..



واجا بكرا ...



حضرت امي العرس .. وبالاخر رجعت على الدار..



وقالت : مبروووووووك لولولولولولي لولولولييي الف الف مبروك لقيت طلبك واخذت رقم امها...



اتصلت امي عليهم في اليوم الثاني وردت البنت وانا ملزق ذاني في السماعة جنب راس امي.. وعلى طول امي مسكت سلك التلفون ولطشتني فيه على ظهري عشان ابعد عنها وتعرف تحكي كلمتين على بعض..



اجت امي بتزغرط وبتقول مبروووك وافقو مبدئيا .. والمهم استنيت اليوم الموعود وانا اغني ومبسوط.. الحمدلله تحقق حلمي..



روحيت على الحلاق وقولتله احلقلي احلى حلقة.. وطلبت انه يزبط الشعرات ويعمل تسريحة نيو لوك ..



المهم روحيت على دار النسايب الجداد خليهم يشوفوني...



وصلت دارهم.. ورنيت على الجرس وفتح اخوها الزغير الباب وكان دب بصراحة شكله بريء بس مبين عليه بدو يلبعني او يغمس فيي حمص..



وقام قال لي بلهجة غريبة .. انوه انتي ؟؟؟؟؟؟؟



قولتله على طول : عيب يا بابا انا بدي اصير زوج اختك..



وما قال لي تفضل اصلا ... تركني على الباب ودخل يركض ويصرخ هاذا ما بوخذ اختي..



شوي الا جاي ابوه وماسكني وقال لي شو بدك يا ابو الشباب...



قوليت انا الي جاي عشان اخطب بنتك.. امي اتفقت معكم..



المهم فوتني على غرفة الضيوف..



وصار يحقق معي.. شو معك شهادات وشو خبراتك وكم عمرك ومن هالاشياء..



وانا اتصبب عرق من هالموقف..



واحنا نحكي انا وابوها دخل الدب البريء ( ما اخف دمه).. ويمد لسانه ويقول والله ما بتوخذ اختي..



فقال الابو : امشي من وجهي يا زنخ.. فشلتنا قودام ابو نسب..



قال الابو : ما بدك تشوف البنت؟



قلت طبعا بدي اشوفها ( وبيني وبين حالي قوليت طبعا بدي اشوفها ولا بدي اشوفاك انت وابنك الدب!!)



راح ابوها من عندي.. واجا الدب وهو يصرخ ويمد لسانه ويتزانخ.. وناديته وقلت له تعال يا شاطر.. عامل حالك عاقل والله لالعن ابو الي جاباك.. بس ستنا علي شوي.. والله لاورجيك... قولتله تعال خذلك 100 شيقل وروح من هون.. والله اخذها وراح.. اتريحت منه..



وفجاة فاتت البنت وهي مستحية وخجولة علاخر..



انا على طول نزلو عيوني على الارض وصوريت ارسم باصبع رجلي الكبير دوااائر..



قعدت جنبي وقالت : مرحبا...



ولما رفعت طرف عيني عشان ارد السلام توقفت الكلمة ببلعومي وما عاد قدرت اكمل... وكيف اكمل...







وكيف اكمل وانا شايف قودامي..































اقبح































وابيخ































واكبر



































واضخم



































واسمن



















واهبل































انسانه على هالارض















هذه بدها ثنين يتزوجوها.. وبصراحة مشاعري انجرحت وامالي تحطمت...



فكرت وقعدت احك بانفي.. لاحظووو هالموقف.. كيف بدي اخلي البنت تقول لامها بديش اياه بديش اياه هذا معقد...



فقلت للبنت انا عندي شروط..



قالت لي امرك : قلتلها انا صاحب مخمخة خصوصا في الليل... ولا تستغربي اذا خبطتك على بطنك تالي هالليل وقولتلك قومي حوطيلي راس معسل وقنية وسكي.. وبدي على الراس ثلاث جمرات... مع شوية شاي وشوية مي باردة وثلج...



فقالت لي والابتسامة تفلخ وجهها : ولا يهمك امرك.. رح اجيبلك معسل ولا عمرك بحياتك جربته ( وعاد انا ما بدخن وما بنصح حدا يدخن بس بقيت بدي ايأسها)...



وعاد شو بتقول لي اخرى .. بدك اولعلك الراس ولا انت بتولعه ؟؟ ( يعني بالعربي طلعت خبيرة بالموضوع)..



دخل ابوها واول كلمة قلتها.. انت اسكت بديش اسمع نفسك.. سامع ولااااااا؟



بتعرفه عشان يطردني من الدار... بدي اشوه سمعتي خليه ما يوافق علي.. بس برضو ما نفع لانه صار يقولي امرك ابو نسب مش رايح تسمع نفسي..



المهم بالاخر طلعت من الدار.. وهربت منهم...



لقيت الولد الدب قاعد فوق سيارتي.. قولتله قوم الله يلعن هالشكل الي عليك مثل ابوك.. ( طراني متعصبن عليه من الاول) واخذيت منه الـ 100 شيقل الي اعطيته اياها... الله يخزيه.. شو هاذ؟ قرد ؟ ..



وهوب الا ابو البنت بنادي تعاااال شو انت بدك.. بس خذها موافقين...



ركبت سيارتي وروحيت على الدار...



لقيت امي...



قلتلها : هذه بتشبه نانسي يمااا ؟؟



شو انت بدك .. بدك تتخلصي مني بدك تقتليني.. اكيد انت ما بتحبيني...



قالت : هذا طلبك.. نفس الي بالصورة اللهم اختلاف بسيط وهذه هي الصورة خذها... هذا جزاي الي انا بتعب عشانك...



المهم اخذيت الصورة بسرعة ونزلت عيوني عليها... واثريتني قاصص صورة نانسي بنت العم عجرم من الجهة الثانية ...



والجهة الثانية في عليها صورة وحدة من افريقيا لرفع الاثقال وزنها 340 كيلو .. يعني بالعربي زي الفيل الي هارب من جنينة الحيوانات.. يلا انسوني وما تقضوها حكي عني ودلع لسانات ..



وماذا تستفيدون من قصتي :



1 – الطمع مش مليح.. دورولكم على وحدة فيها من جمال الله.. يعني عادي..



2- قبل ما تتزوج اي بنت اعرف مين اخوها.. هع هع هع



3- ما يهمك الجمال بقدر الاخلاق..



4- بحاول ارسم الابتسامة على وجوهكم واريحكم من هم الدنيا ومشاكلها..