تويت
حبيبى ياحج بقلم طير الرماد
حبيبى ياحج
طبعا عبارة حبيبى ياحج حقوقها محفوظة للغزازوة وماضل غيرها محفوظ النا كل شى راح وماضل غير وجه الكريم نخش بالموضوع وراح اكتب بالهجة الغزاوية الدارجة يمكن تفهونا
حبيبى ياحج ومش قادر احكى حبيبتى ياحجة للصبايا بخاف انسلخ بند يعنى الصبايا بتعذرونى ومتفهمات توابع المرحلة والذى منه الموهيم بدى اتخرف وابرم معكم وتحملو رغيي
اتنين وعشرين يوم شفنا فيهن العجب الا بنى ادمين تعودنا نشوفهم ونسمعهم كل يوم على الفضائيات بقدرة قادر تبخرو وبقدرة قادر كمان فيهم ظهر واعلن انه انتصر والباقى لسى ما حد خبرهم انه انتصرو
اعلنا حالة الطوارئ وتجمهرنا على التلفزيونات نتابع شو بصير فينا ماهى كل الناس بتتفرج علينا اشمعنا احنا مانشوف حالنا وتحققت مقولة ستى (( مين شايف كحلتك يامرة الاعمى ))
وكل يوم نقول بتفرج بكرة احسن من اليوم والدنيا تشعشع
بطلنا نعرف ليل من نهار غزة منورة كلها قلنا جايين يحتفلو بالسنة الصينية الجديده عنا ( عام الثور ) شفنا
الوان الطيف ونجوم الظهر وتشكيلات الالعاب النارية بس مختلفة عكسيه بتنزل من السماء بدل ماتطلع من الارض قلق ياحج وصبرنا واستنينا المفاجئات وجهزنا العدة علشان نتفاجئ حبيبى ياحج
وشلومو نزلت عليه الحنية قال معكم تلت ساعات رفهو عن حالكم كل يوم معك تلت ساعات وكل يوم هالتلات ساعات توقيتها مختلف علشان نحس العالم كله معنا فاهم عليا كيف حبيبى ياحج
مرة بتوقيت طوكيو ومرة بتوقيت هونولولوو ومرة بتوقيت الدوحه ودمشق وطهران ادلل ياحج واختاروطش وين مابدك اذا لقيت حاجه ضايلة بمكانها بغزة احسن شى نام لو عرفت اصلا
واذا موبايلك مشحون وفى كهرب بتكون امك داعيتلك يعنى فش شغله ولا عملة وين بدك تروح غزة قلق
كنا نسمع عن مغامرات سندباد وبساط الريح جربنا الركوب على بساط الريح بتكون قاعد وصافن بتسمع صوت انفجار هز الدنيا بتكون مثلا بالصاله بتلاقى حالك فى المطبخ اعملى كاسه قهوة معك حبيبى ياحج
وعلى رأى واحد حبيبنا قال الخوف كله من الطيار يحلو البيت فى عينه يسلخ الدار صاروخ يجيبها نصين والحجة ان الغسيل مشوش على الزنانات اطلع لم الغسيل حبيبى ياحج
وطبعا كان فى اشى مونسنا هو اتصالات من الدول الشقيقه بدهم يحسسونا انهم معنا انت وحظك شى من ليبيبا وشى الاردن وشى السعودية يعنى بتحس حالك صاير عمر موسى ياحج
والشاطر اللى يطول سماعه التلفون ويرد طوش بتصير الكل فاضى وبده يتسلى ياحج
تخيل عاد ياحج ترد ويطلع الك واحد من حبايبنا يقلك بيت فلان؟ اه حبيبى ياحج معك ( جيش الدفاع )) اخلى البيت بدنا نعيد اعماره على اساس النظام العالمى الجديد ومواصفات خاصة لحق حالك ياحج واخلى البيت اقل من خمس دقايق بيكون راح البيت واللى فيه وماتنساش تلم الغسيل ياحج
ويا حبيبى لو نزل صاروخ ولا رشاشات الاباتشى بتزغرت وانت بتحكى مع المتصلين اسمع عاد العياط بتصير تصبرهم انت بدل ماهم يصبروك وتهديهم وتواسيهم شعبنا كبير ياحج
طول عمرنا بنسمع ان الفسفور قلق ياحج وبيكون بالسمك وانه مفيد علشان الشسمو ولمن كان فى سمك فى بحر غزة وناكل تحس حالك مشعشع بس هالايام الوضع اختلف بيسلخو قذيفة فسفور نار بتولع فيك والكل بيقلك منور ياحج وعلشان هيك انا مقاطع السمك بديش فسفور شبعنا بدى شاورما
لازم تغيير بيكفى هينا صرنا نشع ونضوى منور ياحج ياريت اخونا الداعمين اللى شبعو فرجة علينا ببلاش وتسلو بالمشاهد الممتعة يبعتولنا شاورما ضحينا باكثر من الف وخمسمية مواطن علشانكم بدنا تتمتعو بوقتكم بس ابعتو شاورما مابدنا طحين ومساعدات لان مامعنا مصارى نشترى
ضحينا كمان بالاف من المواطنين غير الالف وخمسمية علشان بدنا نفتح الكم المعبر وتيجو تصيفو عنا بحر غزة بينتظركم الصيف هاد بلاش فيينا ولا الريفيرا ولا جينيف تعالو لغزة بكبونة بتصيف والاسعار رخيصه والانفاق رجعت تشتغل وكله مية المية ياحج والبرونزاج عنا ببلاش كرمال عين تكرم مرج عيون
ايش يعنى الف وخمسمية من مليون ونص ؟ ( الم عابر ) اى والله لو أبيدت غزة كلها مابتسوى زعلكم المهم انتو تضلو على روسنا وتضلو قاعدين فى العلالى مش مهم فوق او تحت الارض ومش مهم الف وخمسمية راحو المهم انتو حبيبى ياحج ومنور حبيبى ياحج ومبروك على غزة نصر ( ها )
بقلم طير ابن الرماد
1/24 من عام الثور
طبعا عبارة حبيبى ياحج حقوقها محفوظة للغزازوة وماضل غيرها محفوظ النا كل شى راح وماضل غير وجه الكريم نخش بالموضوع وراح اكتب بالهجة الغزاوية الدارجة يمكن تفهونا
حبيبى ياحج ومش قادر احكى حبيبتى ياحجة للصبايا بخاف انسلخ بند يعنى الصبايا بتعذرونى ومتفهمات توابع المرحلة والذى منه الموهيم بدى اتخرف وابرم معكم وتحملو رغيي
اتنين وعشرين يوم شفنا فيهن العجب الا بنى ادمين تعودنا نشوفهم ونسمعهم كل يوم على الفضائيات بقدرة قادر تبخرو وبقدرة قادر كمان فيهم ظهر واعلن انه انتصر والباقى لسى ما حد خبرهم انه انتصرو
اعلنا حالة الطوارئ وتجمهرنا على التلفزيونات نتابع شو بصير فينا ماهى كل الناس بتتفرج علينا اشمعنا احنا مانشوف حالنا وتحققت مقولة ستى (( مين شايف كحلتك يامرة الاعمى ))
وكل يوم نقول بتفرج بكرة احسن من اليوم والدنيا تشعشع
بطلنا نعرف ليل من نهار غزة منورة كلها قلنا جايين يحتفلو بالسنة الصينية الجديده عنا ( عام الثور ) شفنا
الوان الطيف ونجوم الظهر وتشكيلات الالعاب النارية بس مختلفة عكسيه بتنزل من السماء بدل ماتطلع من الارض قلق ياحج وصبرنا واستنينا المفاجئات وجهزنا العدة علشان نتفاجئ حبيبى ياحج
وشلومو نزلت عليه الحنية قال معكم تلت ساعات رفهو عن حالكم كل يوم معك تلت ساعات وكل يوم هالتلات ساعات توقيتها مختلف علشان نحس العالم كله معنا فاهم عليا كيف حبيبى ياحج
مرة بتوقيت طوكيو ومرة بتوقيت هونولولوو ومرة بتوقيت الدوحه ودمشق وطهران ادلل ياحج واختاروطش وين مابدك اذا لقيت حاجه ضايلة بمكانها بغزة احسن شى نام لو عرفت اصلا
واذا موبايلك مشحون وفى كهرب بتكون امك داعيتلك يعنى فش شغله ولا عملة وين بدك تروح غزة قلق
كنا نسمع عن مغامرات سندباد وبساط الريح جربنا الركوب على بساط الريح بتكون قاعد وصافن بتسمع صوت انفجار هز الدنيا بتكون مثلا بالصاله بتلاقى حالك فى المطبخ اعملى كاسه قهوة معك حبيبى ياحج
وعلى رأى واحد حبيبنا قال الخوف كله من الطيار يحلو البيت فى عينه يسلخ الدار صاروخ يجيبها نصين والحجة ان الغسيل مشوش على الزنانات اطلع لم الغسيل حبيبى ياحج
وطبعا كان فى اشى مونسنا هو اتصالات من الدول الشقيقه بدهم يحسسونا انهم معنا انت وحظك شى من ليبيبا وشى الاردن وشى السعودية يعنى بتحس حالك صاير عمر موسى ياحج
والشاطر اللى يطول سماعه التلفون ويرد طوش بتصير الكل فاضى وبده يتسلى ياحج
تخيل عاد ياحج ترد ويطلع الك واحد من حبايبنا يقلك بيت فلان؟ اه حبيبى ياحج معك ( جيش الدفاع )) اخلى البيت بدنا نعيد اعماره على اساس النظام العالمى الجديد ومواصفات خاصة لحق حالك ياحج واخلى البيت اقل من خمس دقايق بيكون راح البيت واللى فيه وماتنساش تلم الغسيل ياحج
ويا حبيبى لو نزل صاروخ ولا رشاشات الاباتشى بتزغرت وانت بتحكى مع المتصلين اسمع عاد العياط بتصير تصبرهم انت بدل ماهم يصبروك وتهديهم وتواسيهم شعبنا كبير ياحج
طول عمرنا بنسمع ان الفسفور قلق ياحج وبيكون بالسمك وانه مفيد علشان الشسمو ولمن كان فى سمك فى بحر غزة وناكل تحس حالك مشعشع بس هالايام الوضع اختلف بيسلخو قذيفة فسفور نار بتولع فيك والكل بيقلك منور ياحج وعلشان هيك انا مقاطع السمك بديش فسفور شبعنا بدى شاورما
لازم تغيير بيكفى هينا صرنا نشع ونضوى منور ياحج ياريت اخونا الداعمين اللى شبعو فرجة علينا ببلاش وتسلو بالمشاهد الممتعة يبعتولنا شاورما ضحينا باكثر من الف وخمسمية مواطن علشانكم بدنا تتمتعو بوقتكم بس ابعتو شاورما مابدنا طحين ومساعدات لان مامعنا مصارى نشترى
ضحينا كمان بالاف من المواطنين غير الالف وخمسمية علشان بدنا نفتح الكم المعبر وتيجو تصيفو عنا بحر غزة بينتظركم الصيف هاد بلاش فيينا ولا الريفيرا ولا جينيف تعالو لغزة بكبونة بتصيف والاسعار رخيصه والانفاق رجعت تشتغل وكله مية المية ياحج والبرونزاج عنا ببلاش كرمال عين تكرم مرج عيون
ايش يعنى الف وخمسمية من مليون ونص ؟ ( الم عابر ) اى والله لو أبيدت غزة كلها مابتسوى زعلكم المهم انتو تضلو على روسنا وتضلو قاعدين فى العلالى مش مهم فوق او تحت الارض ومش مهم الف وخمسمية راحو المهم انتو حبيبى ياحج ومنور حبيبى ياحج ومبروك على غزة نصر ( ها )
بقلم طير ابن الرماد
1/24 من عام الثور
تعليق