شعر: مريم العموري
الابن:
ماشي والشوك مْرَمَّى عَ دْرابي
بتمنّى بْلهفهْ عَودِة أحبــابي
من بَعدَك يابا مَ اصعبْ عذابي
وعَ فراقك روحي ظلّت محزونة
الأب:
لا تبكي يَابني يا روح الروحِ
حُزنك جوّايا فتّحلي جْروحي
إنتا وخَوَاتك أغلى من روحي
وعـن بالي أبَدْ مـا بِتـْغيبونا
الابن:
بتذكّـرْ يابا يوم اعتقــالكْ
جيش الأعادي بْأحقادو جالَك
والتهمة كانت ثورِة نضـالك
وين العدالة يا ناس افتــونا
الأب:
درب المجاهد ما في هَــوَادة
والسِّجِن عندو خلوة وعبـادة
يِسْتنظِر يِختم عمرو بشَهـادة
ما تهزّوا رياح العدو المجنـونة
الابن:
راحوا وما بنعرف وين مودّينَك
ولمّا اندلّينا كــانوا مْقاضينَك
ثلاثهْ مَأْبـّدْ، يا ربِّ يعينــك
أحكام الظــالم تَيهزمــونا
الأب:
هذا قدرنا أنــا واخـواني
لكن عاهــدنا ربي بإيمـانِ
نتحدى القيد وقهر السجّـانِ
وشو ما اتجبـّروا ما بيهزمـونا
الابن:
دلّت عليك عيون العمــالة
مين يورجينا فيهــم عدالة
رَيّـحْ وطنّـا من هالنـّذالة
مش منّـا يابا هَلّي بيخـونا
الأب:
إلخاين، غدر مْعشّش في راسو
حَرَم هالوطن من خِيرةْ ناسُـو
بيجيلو يومُ ونِقـْلعْ أساسـو
ونجعل نهــارو أسود اللـونا
الابن:
شعبي يا يابا وحدو بيجاهـدْ
ورغم المصايب عا أرضو صامدْ
مين اللي يوخذ بيدو ويسـاعِد
بيرُدّ الصـدى ومــا بِيرُدُّونا
الأب:
لو كلّ العالم عن شعبـَك وَلّى
الله مـعانا يِـرعى ويتــولّى
وعـن مبادينا ما رح نتخـلّى
تشهــد علينا أرض الزيتونا
الابن:
وعداً يا يابا، واللهْ نصــيري
لَخَلّي دربك دربي ومصـيري
واكسر مع شعبي قيدَ الأسيري
ونفدي الحريّة بأغلى ما يكونا
***
وزندي مع زندَك نهزم صهيونا
الابن:
ماشي والشوك مْرَمَّى عَ دْرابي
بتمنّى بْلهفهْ عَودِة أحبــابي
من بَعدَك يابا مَ اصعبْ عذابي
وعَ فراقك روحي ظلّت محزونة
الأب:
لا تبكي يَابني يا روح الروحِ
حُزنك جوّايا فتّحلي جْروحي
إنتا وخَوَاتك أغلى من روحي
وعـن بالي أبَدْ مـا بِتـْغيبونا
الابن:
بتذكّـرْ يابا يوم اعتقــالكْ
جيش الأعادي بْأحقادو جالَك
والتهمة كانت ثورِة نضـالك
وين العدالة يا ناس افتــونا
الأب:
درب المجاهد ما في هَــوَادة
والسِّجِن عندو خلوة وعبـادة
يِسْتنظِر يِختم عمرو بشَهـادة
ما تهزّوا رياح العدو المجنـونة
الابن:
راحوا وما بنعرف وين مودّينَك
ولمّا اندلّينا كــانوا مْقاضينَك
ثلاثهْ مَأْبـّدْ، يا ربِّ يعينــك
أحكام الظــالم تَيهزمــونا
الأب:
هذا قدرنا أنــا واخـواني
لكن عاهــدنا ربي بإيمـانِ
نتحدى القيد وقهر السجّـانِ
وشو ما اتجبـّروا ما بيهزمـونا
الابن:
دلّت عليك عيون العمــالة
مين يورجينا فيهــم عدالة
رَيّـحْ وطنّـا من هالنـّذالة
مش منّـا يابا هَلّي بيخـونا
الأب:
إلخاين، غدر مْعشّش في راسو
حَرَم هالوطن من خِيرةْ ناسُـو
بيجيلو يومُ ونِقـْلعْ أساسـو
ونجعل نهــارو أسود اللـونا
الابن:
شعبي يا يابا وحدو بيجاهـدْ
ورغم المصايب عا أرضو صامدْ
مين اللي يوخذ بيدو ويسـاعِد
بيرُدّ الصـدى ومــا بِيرُدُّونا
الأب:
لو كلّ العالم عن شعبـَك وَلّى
الله مـعانا يِـرعى ويتــولّى
وعـن مبادينا ما رح نتخـلّى
تشهــد علينا أرض الزيتونا
الابن:
وعداً يا يابا، واللهْ نصــيري
لَخَلّي دربك دربي ومصـيري
واكسر مع شعبي قيدَ الأسيري
ونفدي الحريّة بأغلى ما يكونا
***
وزندي مع زندَك نهزم صهيونا
تعليق