أشتآق لك ويآك ..! و أشلون في بعدك ..؟!
روايه رومانسيه جريئه شوي
هذي القصه حقيقية بنسبة 30%
للكاتبهـ // العيون الناعسهـ
" ملاحظه في حال نشر القصه يرجوا كتـآبة أسم الكاتبه ( العيون الناعسه ) لحفظ الحقوق "
نتعرف ع الشخصيـآت ..
أبو عبد الله ..
الجد كبير في السن وهو غني وكآن هو شخصيه مهمه في المجتمع يحب يجمع أولاده في كل أسبوع
يعني كل خميس وجمعه جمعه ولازم الكل يحضر والا بيحصل محاضره منه
أم عبد الله ..
الجده وهي كبيره في السن بعد وطبعها مثل طبع أبو عبد الله
عائلة أبو بندر //
تتكون من الأب وهو أبو بندر ( عبد الله ) و الأم وهي أم بندر ( أمل
بندر : عمره 22 سنه وسيم و له نظرات تذبح و أسمراني و عليه حركات مصرقعه بس حبوب و يدخل القلب بسرعه
متعلق بـ أخته و يعزها حيل
غلا : عمرها 17 سنه قمة في الجمال والنعومه بيضا و لها شعر ناعم يغطي ظهرها و لها شفايف بلون الفراوله تذبح .. دلوعة أبوها و حساسه حييل ..
فيها غرور شوي بس قلبها أبيض وطيوبه وحبوبه وهي بعد متعلقه بـ أخوها
عائلة أبو طلال //
تتكون من الأب وهو أبو طلال ( راشد ) أخو أبو بندر و الأم أم طلال ( دلال )
طلال : عمره 22 سنه معذب كل البنات و وسيم مرره و يحب يتحرش في البنات ومصرقع بقوه هو و بندر أولاد عم و أصحاب في نفس الوقت
هديل : عمرها 17 سنه توأم غلا صديقات و بنات عم الروح بالروح ، حلوة وتشبه أمها كثيير ، تحب تتعرف على كل الي حولها جريئه شوي وفيها غرور على بعض البنات
خالد : عمره 14 سنه نسخة طلال في الشكل ، بس الأخلاص تختلف ، عنيد و يحب يتحرش في اخته ، يكره الدراسه
جواد : عمره 5 سنوات برئ بس فيه هباله شوي و عبطاه زايده عن اللزوم يحب يقلد طلال في كل شي
عائلة أبو مهند //
تتكون من الأب وهو أبو مهند ( سلمان ) و الأم أم مهند ( كارول ) أخت أبو بندر
لميس : عمرها 17 مغروره وحقوده تحب تسوي مشاكل وتكره الكل و مع هذا تحس بفراغ
منال : عمرها 15 سنه طبعها هاديه تتمنى الخير للكل طيوبه حيل بعكس أختها فيها عباطه شوي وخجوله حييل
مهند : عمره 5 سنوات أصغر من جواد بشهر شيطان لآخر درجه و عنيد يحب يشوش امه على خواته بس مهند ما يقدر يشوش عليه لأنه يموت فيه
عائلة أبو مازن //
تتكون من أبو مازن و هو جد غلا و بندر و أم مازن وعندها أمل " أم بندر " و مازن " أبو ريان " و
ملاك : عمرها 23 سنه مخطوبه و طبعها جريئه تحب الرحلات و الطلعات شبه مربوشه بس طيوبه
عائلة أم ريان //
تتكون من الأب أبو ريان ( مازن ) أخو أم بندر و الأم أم ريان ( عاليه )
ريان : عمره 24 سنه وسيم و أسمراني مغرور و لعاب ع البنات و يطلع معاهم و عصبي بقووه مع أهله
نايف : عمره 18 سنه وسيم مرره يحب يتحرش في مرام اخته و يعاندها ويكره شي أسمه مدرسه
مرام : عمرها 15 سنه عليها عبط مو طبيعي طيوبه و تدخل القلب بهبالها و صرقعتها
هذي بض الشخصيات و بنتعرف على شخصيات ثانيه
وبنتعرف على صفاتهم
. . . . . . . . . . . .\





البارت الأول ،،



في بيت أبو بندر ..

وفي غرفة غلا بالتحديد .. بعد ما خلصت سباحه تمددت ع السرير و جلست تفكر

غلا // أففف باقي 3 أسابيع ونرجع لـ عوار الراس ,, وحشوني بنات فصلي وحشوني معلماتي و الهبال في حصة أبله سعاد ( أبلة الأنجليزي ) آآه يا حلوو المدرسه .. بس لو يفكونا من الأختبارات و الواجبات كان ونااسه ...



قطع عليها حبل أفكارها صوت تحبه و في نفس الوقت تنزعج منه

ومن غير بندر ..!



بندر يصارخ من تحت : غـــــــــــلا

غلا : أفففففف منك يا بندر .. راحت ع الدرج بدون ما تنزل : نـعم !!

بندر : نعامه ترفسك و تجيبك تحت

غلا ما قدرت تحبس ضكتها من هبال أخوها مع أنها معصبه : هههههه و ترفسك و تجيبك فوق

بندر أبتسم لأنها عطته وجه : أقول تعالي بس لا تجيك النعامه و ترفسك

غلا نزلت له و وقفت قدامه و ضربت خصر : خــيــــر

بندر : الخير في وجهي

غلا بدأت تتنرفز : بتتكلم أو لا

بندر : تكفيييييين عااد

غلا رفعت حاجب : متأكد

بندر : لأ ممكن حذف إجابتين ؟

غلا : لأ مو ممكن .. ومشت قدامه وراحت ع الصاله وبندر وراها يترجاها

بندر : غلا وربي أمزح معاك .. غلا تكفيين ترى بيهون ما بيخليني أروح البر بكره .. غــــلا

غلا ولا كأنها تسمعها : دآآآآد .. دآآدي

بندر فقد الأمل : " يقلد صوتها " داد .. دادي

غلا طالعته بطرف عينها : بندرووه

بندر : نعمووه

غلا فقدت أعصابها : آآآه منك من أخوو

بندر : هاهاها .. ما تبين تعرفين شـ كنت بقول لك من شوي

غلا وهي رايحه ع غرفتها : لأ مابي

بندر ما يبي يراضيها عشان لا يقول لها : براحتك



غلا دخلت غرفتها وسكرت الباب وراها بقوه تحس نفسها طفشانه

حدها



في بيت أبو طلال ..

كان الوقت قريب الغدى وراح يروحون بيت الجد

أبو طلال : يلا يا عيـــال

طلال و هديل في الصاله

طلال : ماودي أروح بيت جدي

هديل : مي توو مي توو .. بس تدري اذا مارحنا بتقوم القيامه

طلال : ههه .. أقول يلا أمشي لا يعصب أبوي



في السياره

جواد كان يلعب " قيم بوي " و مرفع ع الصوت

طلال : جودي ممكن تنزل الصوت لو سمحت << جودي خخ كأنه اسم بنات

أم طلال : جواد نزل ع الصوت

جواد : ماما مو حليو اللعبه بدون صوت

طلال : لا حليوه و تجنن بعد

جواد نزل الصوت

هديل : بابي أطلبك طلب ؟

أبو طلال : نعم هدولتي شتبين

هديل : تكفى قول أي

أبو طلال : ههه شعندك هدوله ؟

هديل : أبي أشتري لي موبايل جديد

طلال فتح عينه ع الآخر : موبايل جديد !!

هديل : ارحمنا بسكوتك ماني ناقصه تعليقاتك

طلال : توش مشتري لك جوال قبل 4 شهور

هديل : ماهمني ماهمني .. بابا بتشتري لي صح ؟

أبو طلال : أن شاء الله يوم الأثنين

هديل : هيـــــــا

طلال : مـــآلت عليــــك

هديل : وعليك

جواد يوقف اللعبه و فتح عينه وكأنه معصب : بــابــووه << خخخ

أبو طلال : نعم يبه

جواد : ما استليتوا لي أسرطة نوني " ما أشتريتوا لي أشرطة سوني "

خالد يكلم نفسه : يرحم أبوك أسكت عاد

أبو طلال : خالد مو انا عطيتك فلوس تشتري لـ جواد

خالد : إلا .. و أشتريت له

جواد يعصب : كداااااااااب هو قال ليي الأمس انا بخد هدولا الفلوس و بستلي لك بهم حلاوات احسن من اسلته و ما استلى ليي لا حلاوات ولا اسلته " كذاب هو قال لي أمس انا بخذ هذولا الفلوس و بشتري لك بهم حلويات أحسن من أشرته و ما أشترى لي لا حلويات و لا أشرطه "

خالد : كذااب أشترت له و ...

يقاطعه أبو طلال : خلوود أنا كم مره قايل لك خرجيتك الشهريه لا تصرفها كلها في يوم واحد

خالد : ما صرفتها كلها في يوم واحد

طلال : خلاص عاد لا تعوروا راسنا أنا اليوم بروح بشتري لك أشرطه .. ويضرب خالد ع راسه .. و أنت خلك عاقل

جواد أستانس و رجع يلعب



في بيت الجد أبو عبد الله وبعد الغدى

كانت في صالتين مفتوحتين ع بعض بفتحه مثل الباب بس أكبر بشوي

الأولى فيها الحريم و البنات

والثانيه فيها الرجال و الشباب



عند البنات ..

كانوا قاعدين يسولفوا ويشوفون أزياء ع اللابتوب و خرابيط

مرام : واااو هذا رووعهـ

منال : مثل ويهم .. هذا أحلى

مرام : شفيه ويهي مو روعهـ يعني مثلهـ

ليال : هههههههههه حلوه منك

مرام تحرك رموشها بسرعه : كل شي مني حلوو

لميس بغرور : صحيح ما عندكم ذووق

منال تهمس لـ لميس : شفيك أنتي .. متى بتخلي عنك هالأسلوب

لميس تبي تسمع البنات : شفيه أسلوبي ؟ أنا ما قلت الا الصراحه والا الصراحه ممنوعه هنا ؟

ليال كانت تبي ترد عليها بس نظرات غلا لها خلتها تسكت



بعد ربع ساعه من السوالف والضحك والصرقه والهواش " مع لميس طبعاً "

رن جوال غلا .. غلا أرتبكت لما شافت الأسم

طلعت برى لأنها ما لقت مكان تكلم فيه غير الحديقه

.... : هلا غلاي

غلا : ...

.... : غلاوي للحين زعلانه ؟

غلا بغرور : شرايك ؟

.... : ههه .. طيب تسمحين تطلعين لي الحين الحين الحين أنا برى

غلا بنفس الغرور : لأ .. وبعدين أنا بيت أبوي العود مو بالبيت

.... : عــآرف .. غلا حيـآتي أبيك شووي بس و برجعك

غلا : شتبي فيني ؟

.... : أبيك و خلاص يلا أنتظرك

وسكر الخط لأنه عرف لو ما سكر الخط ما بتطلع

غلا تفكر : أشلوون أطلع له .. والله وهقه



راحت غلا أخذت شنطتها و لبست شيلتها بدون محد يحس من البنات

توها بتطلع بس سمعت صوت من وراها

.. .... : ويـن ؟

غلا نقزت : بسم الله .. هلا يمه

أم بندر مستغربه : وين رايحه غلا ؟

غلا أرتبكت : ها لأ ما بروح مكان .. أقصد صديقتي برى تنتظرني تبيني بس أعطيها أوراق من البيت عشان بتاخذهم بتصورهم و بتردهم لي

أم بندر أستغربت أكثر : أوراق شنوو ؟ غلا باقي 3 أسابيع و تبدأ المدرسه حق شنوو هالأوراق

غلا : أي .. قلت لها بس هي الله يهديها تقول تبيهم الحين

أم بندر تحاول تصدق بنتها : أهاا أوكي روحي و لا تتأخري

غلا : أوكي تشــآآو



ليال حست أنوو طولت بالمكالمه راحت لها بتشوفها برى

وصادفت أم بندر

أم بندر : تبين غلا موو ؟

ليال : أيه لسه تكلم ؟

أم بندر : لأ راحت مشوار و بترد بعد شوي

ليال : آهـــآ



عند غلا ..

.... .... يغني : أن زعلت برضيك و كل عمري فدآآك .. والزعل ما أزعله يالغالي عليك .. لو تآمر بروحي بتنقاد لـ رضاك .. لو تطلب عيوني ما تغلى عليك

غلا أبتسمت من داخلها بس بينت العكس : مشعل شتبي مني ؟

مشعل وهو يمشي بسرعه بالسياره

غلا : مشعل

مشعل : ماراح أتكلم الا لما نوصل

غلا : وين نوصل ؟

مشعل : ....

غلا : أففففف

وبعد ثواني وصلوا ع الكورنيش .. غلا تحب تقعد ع البحر في هالوقت .. و خاصه أنه يكون في هالوقت شبه فاضي

مشعل يفتح الباب لغلا : تفضلي أميرتي

غلا نزلت معاه و راحوا عند البحر جلست غلا تتأمل فيه شوي

مشعل وقف وراها بالضبط و همس في أذنها : أحبك

غلا : مشعل

مشعل : عيونه و قلبه و روحه

غلا نزلت راسها و أبتسمت و بعدها حطت عيونها بعيونه وقالت : أوعدني ما تكررها

مشعل : وربي مو مني هي الي طلبت مني كذا

غلا : مشعل أوعدني

مشعل ويمسكها من كتفها : أوعدك بس تكفين لا تزعلي

غلا ابتسمت له

أعرفكم ع عايلته و عليه

طبعاً أنتوا تتساءلون من هو مشعل ؟؟

((

أبو مشعل يصير شريك أبو بندر في الشركه .. وهم أصحاب من أيام المتوسط

مشعل شبه صديق بندر // عمره 22 سنه بعمر بندر وسيـــم حيـــــــل و كل البنات يذوبوا لما يشوفوه .. عيونه ناعسه تذبح و نظراته مو طبيعيه .. رومانسي بقووه و أحياناً يكون مصرقع

أمه الي ما يخبي عليها شي لا هو ولا أخته أمه طيوبه حيل

أبوه مدلعنهم كلهم و دايماً يحب يجلس معاهم و يضحك معاهم

و أخته الوحيده المقربه روان // داخله في الـ 17 ناعمه و ملامحها مره رووعهـ شكلها هادئ دلوعه أهلها و اذا تبي شي لازم تحصل عليه ))



بعدها بـ شوي رجعت غلا بيت جدها و آخر الليل الكل رجع

كانت سهرتهم ممله شوي

رجعت غلا تبي تنام .. حطت جوالها ع الكمدينه تنتظر مشعل

رن جوالها بنغمه مميزه كانت مخصصتها لـ مشعل من أول ما زعلت عليه " يعني نغمه مؤقته لين ما ترضى و تغيرها هع "



من عيون الناس والله أغار يا عمري عليك .. و ما أتطمن وأنسى خوفي إلا و إيديني بيديك .. بس تحمل كل جنوني لأنك أغلى من عيوني



غلا : هلا

مشعل : هلا و غلا

جلسوا ع السوالف شوي

مشعل بنبره جاده : غلا

غلا : نعم ؟

مشعل : ليش زعلتي لما قلت لك عن السالفه

غلا : مشعل هذا سوال بالله عليك

مشعل : غلا عن جد أتكلم .. أنا يامى قلت لك سوالف مثل كذا تزعلي شوي و بعدين ترضي ليش هالمره طولتي في زعلك ؟

غلا سكتت شوي : مشعل

مشعل : نعم غلا

غلا : أنت تدري أني أحبك ؟

مشعل أبتسم : اي

غلا : و تدري أني أغار عليك .. حتى من أختك

مشعل : بس يا غلا انتي ليش هالمره بذات زعلتي

غلا : لأنك تماديت

مشعل : وربي مو مني ...

غلا تقاطعه : مشعل .. هذي المره يصوروك وأنت موافق بكره شنوو ياخذوك مني ؟

مشعل : ههه ماحد بياخذني منك .. غلا

غلا : نعم

مشعل : أحبك

غلا استحت : ....



" أكيد انتوا تتساءلون شنو هي السالفه الي يتكلمون عنها ؟؟

مشعل كان رايح مع أصحابه الكويت .. وفي السوق في بنت أنجنت ع عيونه

وقالت تبي تصورها

مشعل : لا مافي

البنت تكلم صديقه : ابي اصورها قول له

نايف " صديق مشعل المقرب " : مشعل فكنا منها و خلها تصورك

مشعل : غلاي ما ترضى

البنت : فديت غلاك .. إلا ترضى
وبعد محاولات والعالم كله تطالعهم صورته

وبعدين عطته المصاص الي كان عندها : تكفى خذه

مشعل : مابي

البنت عطته لـ صديق مشعل " نواف " و راحت في حالها و هي فرحانه بالصوره "





في اليوم الثاني ..

جلست هديل من النوم تفكر ..

هديل // شفيها غلا متغير .. شالي غيرها فجأه .. صار لها أكثر من 5 شهور وهي ع هالحال مرتبكه و دايماً سرحانه و أحياناً حزينه و أحياناً حيل مستانسه .. معقووله تـ ...

يقطع عليها حبل أفكارها صوت دق الباب

هديل بملل : منوو ؟

جواد : أنا دواد " أنا جواد "

هديل : أدخل جواد

دخل جواد و وقف قدامها ويطالعها بنظرات باره

هديل : الله الله من وين نازل هالأدب

جواد بنفس نظراته : ....

هديل تخرعت وقامت له : جودي شفيك ؟



أنتهى البارت الأول ..

توقعاتكم لـ البارت الثاني

مشعل و غلا .. وش علاقة هديل فيهم ..؟

شـ سالفة جواد .. ليش يطالع أخته بـ هالنظرات ..؟

شـ الخبر الي بنسمعه في الجزء الثاني ..؟



البارت الثاني ..
هديل تخرعت وقامت له : جودي شفيك ؟
جواد وبانت الفرحه بوجه : بنســــــــــآفر
هديل وعيونها شوي و تطلع : بنسـآفر !!
أبو طلال : أيه بنسافر
طلال : مابي
أبو طلال : شنو ماتبي ؟
طلال : مابي أسافر
أبو طلال بصوت حاد : شنو ماتبي مو على كيفك
طلال بنرفزه : اففففففففف
هديل تجي : بــــآبــــآ
أبو طلال : نعم هدوله
هديل : صحيح بنسافر ؟
أبو طلال أبتسم لها : أيه صحيح
هديل : وآي ونــــآسه
كانت هديل مغطيه ع باب المجلس .. جا طلال و دفعها بيده وطاحت
هديل وهي ع الأرض : آآآآآآه
أبو طلال عصب من حركته : طــلآل
أما طلال معصب ع الآخر .. طلع من البيت وأنطلق بسيارته بسرعه جنونيه
أم طلال توها جايه شافت هديل و شهقت : شفيك هديل ؟
هديل معصبه من حركته : هذا الي ما يتسمى طيحني
أبو طلال يدق عليه : أنا أوريه
أم طلال عرفت من صراخهم أن طلال مايبي يروح .. أخذت التلفون من أبو طلال : خليه شوي لين ما يهدى
أما عند طلال الي معصب من هالسفر ..
كان يسوق السياره بسرعه جنونيه .. يقطع الإشارات و ماهمه من قدامه
رن جواله ..
يانــور بسـري ويــن مسـراك بحـدد حـدودي بحــدك ..
أضيـع في الدنيــآ بليـآك عنـي عذولـك لا يـردك ..
رفعه بدون ما يشوف المتصل
طلال بضيقة خلق : نعم
... : شدعوه .. ليش الأخلاق كذا
طلال : منوو معاي ؟
... : أفــآ معقـووله نسيــت صوتي ؟
طلال : بتقولين منوو أنتي وإلا اشلون ؟
... : أنا الي كلمتـك أمس بالليل
طلال : أففففففف مو ناقص ألغااز .. انقلعي عني
وسكر الخط في وجهها
وظل الجوال يرن و يرن و طلال مو داق له خبر
" من شنوو طلال معصب و مايبي يسافر ؟؟ "
في بيت أبو مهند ..
منال جالسه ع اللابتوب تشوف فلم في غرفتها ومعاها لميس تغني و تبرد أظافرها
مهند : لميس ألعبي معاي
لميس : مالي خلقك
مهند : سوي بس " شوي بس "
لميس : قول لـ منال
مهند لف ع منال و شافها مندمجه مع الفلم
مهند : تساهد فنم " تشاهد فلم "
لميس عصبت : انقلع عني يعني ما تشوفني مشغوله
مهند أخذ كرسي و حطه قدام النافذه و ركب فوقه و رمى اللعبه الي كانت في يده من النافذه وقال : ووووووف ماحد يلعب ويايي
منال و لميس طلعوا بعض و رجعوا يطالعوا في مهند : ههههههههههههههههههههههههههه
مهند : وبعد يدحكوا " و بعد يضحكوا "
عند بندر الي كان توه طالع من الحمام متروش
كان يغني و يحط في شعره جل
بندر : قلبي لازم تعذرونه .. عاشق ومعلن جنونه
لو زعل ع الكون كله لحظه ما يقدر بدوونه …
رن جواله بنغمة شعر حق حامد ..{ أنا الي قبل أسافر شلت قلبي من شرايين .. تركته في يدج مثل الأمانه و أحفظيها زين …
بندر : هلا والله .. خير شفيك طلال .. طيب فهمني أنت ع شنوو معصب .. شنوو ؟ طيب وين أنت .. جاي جاي بس أنت وين .. مم طيب جاي
عدل شعره و لبس نظارته السودا العاكسه و طلع
كان لابس بنطلون جنز و قميص أبيض مخطط بالأسود بخطوط رفيعه و جزمه " الله يعزكم " لونها أبيض و فيها خطوط سوده طلع لـ الحديقه على إنه رايح لـ سيارته بس سمع صوت وراه
غلا : بنــــدر ..!
بندر لف عليها : نعم غلا ..؟
غلا راحت لـ عنده : وين رايح ؟
بندر : وأنتي من متى تسأليني وين رايح و من وين جاي .. أروح أي مكان و وقت ما أبي ولا تدخلي بـ شي ما يخصك .. وراح لـ سيارته و توجه لـ المكان الي فيه طلال
غلا مستغربه : بل أكلني بملابسي .. شفيه هذا علي ..!
دخلت غلا و جلست في الصاله بملل و مسكت الرموت و قعدت تدور في المحطات لعل و عسى تشوف برنامج حلوو
غلا : أووووووف مـــلآنه
رن جوالها ورفعته بملل
غلا بملل : هلا
هديل بحماس عكس غلا : هلا غـــلآ
غلا : هلا فيك .. شفيك متحمسه كذا
هديل : متحمسه وبس ..! إلا طايره من الفرح
غلا : عطيني الأخباار شنوو ؟؟
هديل : بنســــآفر مع العايله الكريمه كلها
غلا بفرح : والله ..؟
طلال : إيه
بندر : وش المشكله في هذا
طلال : ما أبي أسافر
بندر : طيب ليه ماتبي ؟؟
طلال تنهد و سكت توه كان بيتكلم بس جواله رن
بندر : ليش ما ترد ؟؟ تبيني أروح عشان تكلم ع راحتك ؟
طلال : لا يا بندر .. بس عارف منوو بيتصل
بندر : منو ؟
طلال : يا أمي يا أبوي يا هديلوه يا خالد يا الخبله
بندر أستغرب : منوو الخبله ؟
طلال : مادري
بندر زاد استغرابه : كيف يعني ما تدري
طلال حكى لـ بندر الي صار البارح
بندر : ههههههههههه والله فاضيه
طلال : مدري عنها تقول انها تعرف كل شي عني
بندر : هههههه و أن شااء الله صدقتها ؟
طلال : يمكن
بندر : هههههههههههههههه
طلال رفع له حاجب : ليه تضحك ؟
بندر ضربه ع كتفه بخفيف : طيـر يـآعمـــي طيـــــر
ومشى لـ السياره و طلال فهم أنه بيوديه مكان
طلال يكلم نفسه : ههه أدري بك يا بندر مجنون بتجنني معاك
وفي السياره بندر مرفع ع الأغاني ع الآخر وفاتح النافذه
" وش بيسوي بندر عشان يطير الضيقه من طلال ..؟ "
غلا : بـآبا وين بنساافر ؟؟
أبو بندر : بنروح نمسا شرايك ؟
غلا : أمم مادري بس أهم شي بنروح مع العايله كلها يعني وناسه
أم بندر توها داخله عليهم : و متى ناويين نروح ؟
أبو بندر : بعد 3 أيام
غلا : برووح أجهز أغرااضي
هديل تصرخ : خـــآلــد
خالد ببرود : لا تصرخي تراني قريب منك
هديل : أعطيني الرموت وربي ما بتشوف شي يسرك إذا ما عطيتني
جواد : خالد لا تعتيها " خالد لا تعطيها "
هديل : أنت أنطم و مالك خص
جواد بحلس عليها و راح لأمه
هديل سحبت الرموت من خالد و خالد قام و راح طفئ التلفزيون
هديل : خـــــــآلد ياسخيــــف
توه دخل طلال وهو طربان و مستانس بعكس ما طلع
طلال : شفيك صوتك واصل لـ آخر الشارع
هديل : أنت أسكت بعد ماني ناقصتك كفايه أخوك .. وبعدين تعال تعال تفكر نسيت لما طيحتني
طلال : ههه هديل ههههه ياحلوك وأنت معصبه أقول روحي روحي شاهدي
هديل تطالع فيه وهي فاتحه عينها ع الآخر : خير طلال ؟؟ طلعت من البيت معصب و تدخل و أنت مروق !!
طلال : آآآآه والله بندر دوخني هههه
وركب فوق الي يشوفه يقول سكران
وهديل لحد الحين مو مستوعبه السالفه راحت جلست تفكر
هديل // شفيه هذا وربي مب صاحي .. لا لا الولد فيه شي .. لازم أتصل بغلا أسألها عن بندرووه وش مسوي بأخوي
في نفس الوقت بس في مكان ثاني
في بيت أبو بندر
دخل بندر بنف حالة طلال ومستانس ع الآخر ويغني
غلا نازله : أذووب أنــآ ع هالصووت
بندر يطالعها وكأنه يغني لها : مجنون بك و أعترف لك صرت مجنونك
لا الذنب ذنبي ولا ذنب الهوى ذنبك
لو كل هالناس بعيوني يشوفونك
" تجي غلا له و تمسكه من كتفه اليمين "
غلا : خير بندر شفيك
بندر يكمل يغني : ان كان ذاب بغلاك العالم و حبك
غلا تعطيه كف ع خفيف : بنـــدر شفيك ؟؟
بندر : ههههه أنا بنــآم تعبـــآن حد حد حدي
ركب بندر وهو لسه طرباان و يغني
غلا : الحمد لله والشكر .. فيه شي هذا فيه شي
رن جوالها وكان المتصل هديل
غلا : هلا هديل
هديل : هلا غلا
غلا و هديل بنفس الوقت : اخوك شمسوي بـ أخوي ؟؟
هديل : هههههههههه والله أخوك الي مادري وش مسوي في أخوي
غلا : ههههههه لا والله أخوك الي ماندري وش مسوي بأخوي
سولفوا شوي عن هالثنائي الغريب و بعدها كل وحده راحت في حال سبيلها
أنتهى البارت الثاني
تتوقعون شـ سالفة طلال و بندر ..؟
السفره هذي وش بتصير من أحداث فيها ..؟
بنتعرف ع شخصيتين في البارت الثالث .. بس من هم ..؟
توقعاتكم للبارت الثالث
........................
واذا شفت تفاعل نزلت البارت الثالث