تويت
البزر المفهي :-هو بزر مايدري وين الله حاطه
أي شي تقوله له بيقول هاه
مستقبله :-هذا مستقبله غير واضح المعالم لكن مااراح تتعدى شيين يستمر مفهي وهذا الأغلب
أو يتعرض لصدمه تخليه يطلع من فهاوته شوي
البزر الجنتل مان أو الجنتل بيبي :-بزر غالبا يكون اطخم تشوفه دايم متكشخ ويتروش كل يوم ويتعطر لسانه معسول وهالشي مخليه مخقق كل بنات الحاره
مستقبله :-يكون من اكبر المرقمين في ديرتهم ويكون اسمه في البلاك ليست للهيئه الله يجزاهم الخير
بزر زلابه :-غالباً مايكون تربية عجز مدلع حتى اخر قطره لكنه للأسف زلابه سريع البكاء لو تقول له كيف الحال قعد يبكي
مستقبله :- يستمر زلابه الين يتزوج ويصير خاتم في اصبع حرمته
البزر المهايطي :-تعريفه :-
هو البزر الذي يهايط وهو ماعنده ماعند جدتي يكون عرضه للتصفيق والتكفيخ نظراً لمهايطاته الدائمه
مستقبله :-يستمر مهايطياً للأبد وقد يفقد حياته بسبب الهياط
البزر العصبي :-هذا البزر نارٍ شابه على قولتهم معصب 24 ساعه يستحسن أن يكتب بالقرب منه خطر
مستقبله :-مراض ضغط وسكر وقلب بسبب هالعصبيه أو في السجن لأنه فقع عين احد ولا ذابح له واحد
البزر اللي داري بالدنيا :-هالبزر اطقع مايشوف العالم مطنش ابو الدنيا شايل من قاموسه كلمة حياء
مستقبله :-عارض أزياء < قل قسم خخخخخ
البزر الملقوف :-هالبزر عكوز بكوز في كل مكان مركوز لا تستبعد ان تجده في أي مكان
مستقبله :-بيجيب العيد وماظنتي بيصير له مستقبل
البزر الدافور :-هذا البزر دائما متفوق في دراسته دائما يحب يتعلم ويتثقف
مستقبله :- دكتور مهندس او أي شي زين أما إذا كان عندنا بالسعوديه فآخرته مصكوك بعين والله اعلم
البزر اللي عليه حركات ويسمى أيضاُ البزر المتميلح :- هذا النوع خطير جداً ودايم يجيب المصايب وهو من النوع اللي مايهرول عبث
مستقبله :-احتمال يجيب العيد أيضاً
البزر اللي حظه مقرود :-هذا النوع من البزران اقل مايقال عنه انه مسكين حظه شين دايم
مستقبله :- سيئ للغايه
بزر مدمن تلفزيون أو في روايه بزر دلخ :-24 ساعه عند التلفزيون يتأثر على طول أي شي يشوفه يروح يسويه
مستقبله :- يظل دلخاً للأبد
بزر رومانسي :-راعي جو حساس
مستقبله :- شاعر
بزر رايق :-24 رايق من زود الروقان عنده تشوف عليه احيانا حركات غريبه
مستقبله :- مستقبل زاهر إن شاء الله
البزر اللي مدري وش يبي :-ماينعرف له مره تقول إنه ذيب مره تقول إنه زلابه
مستقبله :-ياأنه يطلع ذيب أو يطلع زلابه وهذا المتوقع
بزر اختلف العلماء في تسميته :-مستقبله :- طقاقه أو فنان كسرات
تعليق