الفرق بين الخطبة والزواج




إذا بدو يسافر



أثناء الخطبة :
انتبه لنفسك، جهزتلك الشنطة ، كتّر خيرك على الأغراض اللي اشتريتها، الله لا يحرمنا من دخلتك علينا، تروح وترجع بألف سلامه



بعد الزواج :
أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح




إذا تأخر عن الموعد :



أثناء الخطبة:
شو حبيبي ! غلي ألبي عليك وكثير شغلتلي بالي، ما تتأخر عليي حبيبي كثير مره تانيه عشان بشتائلك أنا .



بعد الزواج :
شرّفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت





إذا طلبت شي منه :



أثناء الخطبة:
حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا يا حياتي .



بعد الزواج :
إغلط مرة وجيبلك شغله حلوة معك بقلاوة ولا كنافة بدي أحلي تمّي إللي مرّر من هالعيشة إللي بتقرف




إذا جابلها هدية :



أثناء الخطبة:
يسلّملي إديك حبيب ألبي، يااااااي شو بتجنن عنجد عنجد زوئك بيعئد وبتجنننننننننن الله لايحرمنى منك يا عمري



بعد الزواج :
والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن




إذا بدك شي منها :



أثناء الخطبة:
من عيونى بتؤمر أمر حبيبي ولووو غالى والطلب رخيص، على راسى حبيب ألبي .



بعد الزواج :
مهو حرام نستريح شوي، لازم حياتي تظل تعب ونكد، هو فش غيرك في الدار؟ مش فاضية، ولا أقلك اطلع من الدار حل عنى روح شوفلك شغله سويها، فقعت مرارتى من شغل البيت اففففف اففففف




لو طلبت منها فنجان قهوة :



أثناء الخطبة:
من عيوني، أحلا فنجان قهوه من دياتى يستاهل تمك، وبدياتى راح شربك كمان، تعبك راحة، ما في اغلى منك حبيب ألبي ( تخيل فنجان القهوة بس)



بعد الزواج :
بدك قهوة ؟ هي إخوانك مرميين فى الحوش روح اشرب معهم، ولا أقلك روح عند أمك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني من هالعيشة اللى بتقرف.




إذا حكالها (بدك شي؟) :



أثناء الخطبة:
تسلملى حبيب ألبي، ما بدي غير سلامتك مكفينى من كل شى مو ناقصنى شى تسلملى, بس حبيب ألبى ما تتأخر كثير بشتائلك.



بعد الزواج :
لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي



إذا وقع عن الدرج



أثناء الخطبة:
‏‏ول علي، سلامتك حبيبي أنشاء الله أنا ولا ‏‏أنتا ( ميته خوف عليه )



بعد الزواج :
شو مالك دخت ؟ الله ما برمي الناس بحجار خطيتي الله لا يردك




الذوق والتنويع في الأكل :



أثناء الخطبة:
سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ما عندها بقدونس راح تعملك تبولة، وبتحكيلك عجبوك حبيبي دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي حبيبي نفسك بشي وماعملته ؟ صحتين على ألبك.




بعد الزواج :
لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، وحديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب المواسرجي يصلحها وإبنك بدو عشرين ليره يشتري كندره, وأهم أشي بس تخلّص أكل بتحكيلك ودّيني عند اهلي، طلعت روحي طول اليوم فى المطبخ ( يعني عاملة الغنايم ما شاء الله ) ....



تحياتى:
هادى