إعـــــــلان

تقليص

قوانين منتديات أحلى قلب

قوانين خاصة بالتسجيل
  • [ يمنع ] التسجيل بأسماء مخلة للآداب أو مخالفة للدين الإسلامي أو مكررة أو لشخصيات معروفة.
  • [ يمنع ] وضع صور النساء والصور الشخصية وإن كانت في تصاميم أو عروض فلاش.
  • [ يمنع ] وضع روابط لايميلات الأعضاء.
  • [ يمنع ] وضع أرقام الهواتف والجوالات.
  • [ يمنع ] وضع روابط الأغاني أو الموسيقى في المنتدى .
  • [ يمنع ] التجريح في المواضيع أو الردود لأي عضو ولو كان لغرض المزح.
  • [ يمنع ] كتابة إي كلمات غير لائقة ومخلة للآداب.
  • [ يمنع ] نشر عناوين أو وصلات وروابط لمواقع فاضحة أو صور أو رسائل خاصة لا تتناسب مــع الآداب العامة.
  • [ يمنع ] الإعــلان في المنتدى عن أي منتج أو موقع دون الرجوع للإدارة.

شروط المشاركة
  • [ تنويه ]الإلتزام بتعاليم الشريعة الاسلامية ومنهج "اهل السنة والجماعة" في جميع مواضيع المنتدى وعلى جميع الإخوة أن يتقوا الله فيما يكتبون متذكرين قول المولى عز وجل ( ما يلفظ من قول إلا لديه رقيب عتيد)
    وأن يكون هدف الجميع هو قول الله سبحانه وتعالى (إن أريد إلا الإصلاح ما استطعت).
  • [ يمنع ] الكتابة عما حرم الله عز وجل وسنة النبي محمد صلي الله عليه وسلم .
  • [ يمنع ] التعرض لكل ما يسىء للديانات السماوية أي كانت أو ما يسيء لسياسات الدول .
  • [ يمنع ] عرض الإيميلات في المواضيع والردود .
  • [ يمنع ] التدخل في شؤون إدارة الموقع سواء في قراراتها أو صلاحيتها أو طريقة سياستها .
  • [ يمنع ] الإستهزاء بالمشرفين أو الإدارة بمجملها .
  • [ يمنع ] التعرض لأي شخص بالإهانة أو الإيذاء أو التشهير أو كتابة ما يتعارض مع القوانين المتعارف عليها .
  • [ يمنع ] التسجيل في المنتديات لهدف طرح إعلانات لمواقع أو منتديات أخرى .
  • [ يمنع ] طرح أي شكوى ضد أي مشرف أو عضو علناً ، و في حال كان لا بد من الشكوى .. راسل المدير العام من خلال رسالة خاصة .
  • [ يمنع ] استخدام الرسائل الخاصة لتبادل الكلام المخل للآداب مثل طلب التعارف بين الشباب و الفتيات أو الغزل وإن إكتشفت الإدارة مثل هذه الرسائل سوف يتم إيقاف عضوية كل من المُرسِل والمُرسَل إليه ما لم يتم إبلاغ المدير العام من قبل المُرسَل إليه والرسائل الخاصة وضعت للفائدة فقط .
  • [ يجب ] احترام الرأي الآخر وعدم التهجم على الأعضاء بأسلوب غير لائق.
  • عند كتابة موضوع جديد يرجى الابتعاد عن الرموز والمد الغير ضروري مثل اأآإزيــــآء هنـــديـــه كـــيـــوووت ~ يجب أن تكون أزياء هندية كيوت
  • يرجى عند نقل موضوع من منتدى آخر تغيير صيغة العنوان وتغيير محتوى الأسطر الأولى من الموضوع

ضوابط استخدام التواقيع
  • [ يمنع ] وضع الموسيقى والأغاني أو أي ملفات صوتية مثل ملفات الفلاش أو أي صور لا تتناسب مع الذوق العام.
  • [ يجب ] أن تراعي حجم التوقيع , العرض لا يتجاوز 550 بكسل والارتفاع لا يتجاوز 500 بكسل .
  • [ يمنع ] أن لا يحتوي التوقيع على صورة شخصية أو رقم جوال أو تلفون أو عناوين بريدية أو عناوين مواقع ومنتديات.
  • [ يمنع ] منعاً باتاً إستخدام الصور السياسية بالتواقيع , ومن يقوم بإضافة توقيع لشخصية سياسية سيتم حذف التوقيع من قبل الإدارة للمرة الأولى وإذا تمت إعادته مرة أخرى سيتم طرد العضو من المنتدى .

الصورة الرمزية للأعضاء
  • [ يمنع ] صور النساء المخلة بالأدب .
  • [ يمنع ] الصور الشخصية .

مراقبة المشاركات
  • [ يحق ] للمشرف التعديل على أي موضوع مخالف .
  • [ يحق ] للمشرف نقل أي موضوع إلى قسم أخر يُعنى به الموضوع .
  • [ يحق ] للإداريين نقل أي موضوع من منتدى ليس من إشرافه لأي منتدى أخر إن كان المشرف المختص متغيب .
  • [ يحق ] للمشرف حذف أي موضوع ( بنقلة للأرشيف ) دون الرجوع لصاحب الموضوع إن كان الموضوع مخالف كلياً لقوانين المنتدى .
  • [ يحق ] للمشرف إنـذار أي عضو مخالف وإن تكررت الإنذارات يخاطب المدير العام لعمل اللازم .

ملاحظات عامة
  • [ يمنع ] كتابة مواضيع تختص بالوداع أو ترك المنتدى وعلى من يرغب في ذلك مخاطبة الإدارة وإبداء الأسباب.
  • [ تنويه ] يحق للمدير العام التعديل على كل القوانين في أي وقت.
  • [ تنويه ] يحق للمدير العام إستثناء بعض الحالات الواجب طردها من المنتدى .

تم التحديث بتاريخ 19\09\2010
شاهد أكثر
شاهد أقل

اخر رزالة ( غلاسة ).

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اخر رزالة ( غلاسة ).

    علشان تعرفوا تغلسوا على خلق الله بضمير ، و اليكم قواعد الغلاسة الأصلية



    · قول نكته طويلة و لما تيجى عند آخر سطر - وهو السطر المهم اللى فى الأفيه - أعمل نفسك نسيته ، لو حد غلس عليك قوله " و الله كانت نكته جامده بس الظاهر أنى نسيتها " .


    · هات بخاخة مطهر ديتول و أمشى ورا شخص معين فى اى حته ، و كل ما الشخص دا يمسك حاجة و يسيبها ... تروح رششها بالمطهر على طول .

    · و أنت بتتكلم فى موضوع أقطع كلامك و أدى أنطباع أنك هاتكمل ... و ماتكملش ... بس خلاص كده !!! .

    · لما حد يشكي لك من حاجة قوله أنا عندى مشاكل أكتر منك !! .

    · و أنت فى مطعم ... بص للى قاعد على الترابيزة اللى جنبك و أنت ماسك لقمه فى ايديك و قول له " ممكن الطحينه بتاعتك ثوانى ؟" !!! .

    · كل ماحد يقولك حاجة عيدها بصيغة سؤال ، مثلا هايقول : مش أنا اتجوزت ، قوله " أتجوزت ؟! " هيقول : أه الشهر اللى فات ، قوله " الشهر اللى فات ؟! " و هكذا .

    · و أنت بتتكلم مع حد برق عينيك فجأة و اسأله " سمعت ؟! " هيسألك سمعت أيه ؟ ، قوله " ولا حاجة ... راحت خلاص" !!! .

    · بعد عشر دقايق كرر نفس الحركه تانى .

    · و أنت بتتكلم مع حد ، ماتبصش فى وشه ابدا ، حسسه أنك قرفان منو ومش طايقه من الآخر .

    · و أنت بتتكلم مع حد ، افضل مركز فى وشه جامد ، لغايه ما هوا يقرف منك فى الآخر .

    · طول ما انت قاعد مع زمايلك فى الشغل ، صفر موسيقى نشيد بلادى ، و صدقنى هايحدفوك بأى حاجه فى وشك أيه الرزاله اللى انت فيها دى يا عم أرحمنا بقى !!! .

    · و أنت بتصور ورق و في حد مستنيك ، اول ماتخلص اظبط مكنة التصوير على 98 نسخه و قوله بابتسامة واسعة " اتفضل " .

    · كل ما حد يقولك حاجة قوله " هاها ... كل الناس فاكره زيك بالظبط " !!! .

    · وانت قاعد مع ناس و قدامك كمبيوتر تخيل الماوس عدة تليفون ... و أتكلم فيها كل كل شويه بصوت عالى ... " ألو ... أيوا " .

    · علق فانوس كبير فى الشارع و فروع ورق زينة ، بشرط مايكونش في رمضان .

    · أتكلم مع الناس بصوت الريبورت ( الانسان الآلى ) !!! .

    · أستلف قلم من حد ، و حط القلم فى بقك ، و أعمل نفسك بتفكر و منهمك و أنت عمال تعضعض في القلم ، أوووف يخرب بيت الرزاله

    · و أنت في المول ، ماتمشيش عادى ، لأ ... أفضل نط لحد ماتوصل للمكان اللى أنت عايزه ، وده فى حد ذاته يعتبر هبل مش رزاله ، بس ما علينا الناس هاتقرف منك برضه و هو المطلوب .

    · في الاتوبيس أمضغ لبانه بصوت عالى و أنت واقف أو قاعد جنب حد بيقرا مجله او جرنان ، و أنت بتقرا معاه طبعا !!! .

    · أعزم ناس في حفلات ناس تانيه " عيد ميلاد أو فرح او خطوبه ... " .

    · هات علبه مناديل ورق و انت داخل السنيما و طول ما انت قاعد أفضل نف ، و على فكره أنت كده تعتبر بترزل على نفسك علشان كده انت كمان مش هاتسمع الفيلم !!! .

    · سيب أشارة العربية الشمال شغاله لمدة 5 كيلو من غير ماتلف ... و بعدين أطفيها فجأة و كمل علطول !!! .

    · أول ماتشوف كيس كاتشب واقع على الأرض دوس عليه برجلك بقوة ، و قول اللى معاك " انا كنت بشوفه فاضى و لا مليان " .

    · في حفلة عيد ميلادك أطلب من ال D.j أنو يشغل أغنية يعيدها 18 مره ورا بعض ... " أنا بحب الأغنية دى اوى يا جماعة " ، يا رزالتك يا اخي ربنا يهدك بجد .

    · لو واقف جنب حد بيعد فلوس و في وسط ماهو بيعد ، قول بصوت عالى أى رقم عشوائى 862 !!! .

    · ألعب فى ألوان التليفزيون لحد ماتبقى كل الناس لونها بنفسجي ، و أعزم أصحابك يتفرجوا عالماتش عندك ... و لو حد اعترض ، قوله " أنا شايف أن دا لون الحياة الحقيقي " ، ما كنت تسيبهم يتفرجوا عليه فى القهوة أحسن يا عم الحج ايه الرزاله دى .

    · و أنت ماشى في حته كل ماتقابلك حاجة طبل عليها !!! .

    · ألبس جراب زي اللى بيحطوا فيه المسدس ... بس حط فيه الريموت كنترول .

    · أحرق الكتاب أو الفيلم في جملة واحدة ، تعرف الناس نهايته قبلها بمدة ، أوف دا أنت فعلا رزل .

    · غير قناة التلفزيون قبل نهاية الفيلم و أو الماتش ب5 دقايق .

    · أضحك لواحدة ماتعرفهاش في الشارع و قولها بصوت عالى صباح الخير ... عامله أيه ؟ ، هاتديلك بالقلم و تمشى عادى ، يا عم أعمل حساب أنها هيا كمان ممكن تكون شافت الموضوع ده


    وكده بقه انا أديتكم العلم اللي ممكن تنتفعوا بيه وتغتتوا على خلق الله عشان الناس تمشي تكلم نفسها في الشارع أكتر مهيه متنيله كمان وكمان

    ههههههههههههههه

    أيه بقه رأيكم في مسلسلات الغلاسه دي بقه؟!!



    لازم تسيب ردك

    ســندريلآ



  • #2
    رد: اخر رزالة ( غلاسة ).

    هههههههههههههههه
    حلوة كتيييير
    بس هاي ازا بتصير عندنا بالحارة
    راح يروح فيها قتيلان تلاتة


    ملفي .||~

    تعليق


    • #3
      رد: اخر رزالة ( غلاسة ).

      نتابع اخر صيحة فى عالم الغلاسة وانا عارفه ان انت ممكن المرة دى تدايقوا من الغلاسة

      بس ده خلاااااااااااص اخر موضوع للرزالة واولاً واخيراً احنا بس عاوزين نطلع من مود النكد الا احنا عايشين فية وبس يعنى محدش ياخد كلامى على اساس اننا نعمل الكلام ده بجد يعنى من الاخر شوية تفاريح وخلاص


      لو راكب فى باص أو ميكروباص وجنبك حد نايم اوعى تسيبه نايم

      كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى

      لو مش نايم متسيبوش فى حاله برضه عيب عليك متجيش

      *ركز على سؤال واقعد اسألهوله كل شوية زى أنت نازل فين طب انت دفعت ولا لأ

      *لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
      أو قوله ماتنزل من الشباك

      *لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
      اتمطع بقى وقول ياسلام على الراحة الواحد مكنش عارف هيعمل أيه لو مش قاعد
      لو العكس بقى اقعد اسأل كل واحد انت نازل فين واقعد قول بصوت عالى
      ياجماعة محدش نازل قريب أصل انا عايز اقعد طول مانت واقف قول كده لحد مايقعدوك

      *لما الكمسرى يجى ياخد منك الاجرة اسأله على تمن كذا مكان
      يعنى قوله هو لغاية الحتة الفلانية بكام طب لغاية الحتة دى بكام
      اسأل على تمن كل الاماكن اللى تعرفها لحد مايقولك ياعم خلصنى رايح فين
      قوله مانا عشان ابقى عارف بس وتقل فى العيار يمكن يسيبك ويمشى

      *لما يدى حد تذكرة قوله ورينى كده لو سمحت واقعد اتأمل فيها
      لحد ما صاحبها يزهق ويشدها منك

      *فى مفتش بقى ساعات بيطلع يفتش على التذاكر وبيطلع على السريع كده وينزل
      أنت بقى اوعى تديهاله علطول كده أزعل منك والله
      دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
      واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك
      كفاية كده بقى حرام المفروض تنزل قبل الناس ماتموت منك

      أستنى رايح فين أنت نازل عادى كده ولا كأنك رذل ولا حاجة
      وأنت نازل هيبقى فى ناس واقفة أعمل نفسك مش عارف تعدى
      وحاول تجاهد على قد ماتقدر وتضيع الوقت اللى تقدر عليه
      لحد الناس ماتشيلك وترميك بعد ماتكون جبتلهم السكر ورفعت ضغطتهم

      ســندريلآ


      تعليق


      • #4
        رد: اخر رزالة ( غلاسة ).


        نتاااااابع:
        *طلع عليه اسم يستفز وناديله بيه يعنى لو جت ناحيته دبانة مرة بالصدفة كده
        سميه دبانة وأستلمه بقى رايح فين يا دبانة جاى منين يا دبانة ياعم أقعد متعملناش فيها دبانة بحق وحقيقى

        * فكره بالمواقف بتاعت زمان اللى بتضايقه كلها زى علقة حلوة كده من بابا او ماما

        *هات حاجات ورذل عليه بيها يعنى مثلا لو بيحب الشوكولاته كل ماتدخل البيت هات واحدة فى إيدك وكلها قدامه

        *ولا أقولك هات علبة وكل ساعة كل واحدة قدامه لحد ما يتحايل عليك تديله منها أو يتغاظ وينزل يجيب

        *وأنت داخل البيت قوله فى واحد صحبك مستنيك تحت متقولوش هو مين عشان ميعملش ناصح ويتصل بيه يقوله اطلع

        قوله هو صحبك وأنا عارف شكله بس معرفش اسمه وخليه ينزل ويطلع على الفاضى

        *لو انت الكبير قوله انت فاكر نفسك كبرت على الضرب ولا أيه و الكلمة دى رذلة ومستفزة جدا


        *خليه يحط حاجة كانت فى إيديه زى مثلا قلم ولا موبايله بمجرد ما يحطه خبيه أنت علطول
        هيرجع مش هيلاقيه هيتغاظ جدا وهيفضل يقول دانا لسه حاطه هنا بإيدى من شوية

        *لو نايم استخدم اى طريقة عشان تصحيه من النوم وهما كتار ما شاء الله
        عشان اللى معندوش خبرة برضه أقولك تعمل أيه

        قيد النور كأنك بتدور داخل تدور على حاجة

        وشغل أعلى نغمة فى موبايلك كأن حد بيتصل بيك

        ومفيش مانع تدور على الحاجة دى تحت المخدة والمرتبة اللى هو نايم عليهم

        مش هوصيك بقى وأنت بترفع المخدة اللى عليها راسه عشان تبص تحتها

        لو أنتوا الأتنين نفس نوع الموبايل أقعد ألعب فى البطارية بتاعتك عشان تبقى يادوب هتفضى

        وروح غير البطاريات وسيبهاله على شعره يعنى لو حد بس رن عليه ولا هو فكر يشوف الساعة

        هيفصل منه شحن وياسلام بقى لو مستنى تليفون ضرورى وفصل منه شحن تبقى مية مية

        *ولو قالك هات بطاريتك إوعى تفرط فيها صحيح هى بطاريته بس هو هيعرف منين فكك

        *لو شارى لبس جديد أصحى أنت من الفجر وألبسه وأنزل بيه ولو أتصل بيك قوله أصل أنا صحيت

        وملقيتش حاجة ألبسها روحت لبسته بقى وخلاص وبعد كده أبقى اشترى هدوم أحسن من كده

        عشان لما أتزنق فى هدوم وأحب أخرج الأقى حاجة كويسة وأقفل فى وشه بالمرة بلاش قرف

        مش شرط لبس بس أى حاجة جديدة لازم تحط عليها بصمتك السحرية الأولى قبل مايفرح بيها

        *أمسح الحاجات اللى على الكمبيوتر اللى هو بيحبها أفلام أغانى صور برامج أى حاجة
        قوله أنا كنت مشغل الأنتى فيروس وهو اللى مسحهم شكلهم فيهم فيروس وفيروس رذل كمان إحم إحم

        *لو واخد ميعاد من حبيبته يكلمها مثلا على الساعة 10 بالليل كده على النت ولا حاجة
        أنت قبلها بشوية تقعد تذاكر وتقوم تقول لباباك أو مامتك أنا عايز الكمبيوتر أريح شوية أنا بذاكر من بدرى
        خليه هو يروح يذاكر شوية لحد ما أريح ويبقى يجى يقعد وتبقى ضيعت عليه الليلة

        ســندريلآ


        تعليق


        • #5
          رد: اخر رزالة ( غلاسة ).

          *لو خارج مع صحبك مشوار أو بتروحوا حتة معينة كلية أو مدرسة أو أى حاجة

          أتصل بيه قوله إوعى تنزل غير لما أفوت عليك وطبعا هو مش هيشوف وشك

          يرن عليك نفض يتصل بيك نفض سيبه لحد مايطق وينزل لوحده

          *طبعا أنت عارف الأوقات اللى بينام فيها ولو من النوع اللى بينام بعد الكلية كلمه على تليفون البيت

          وقول للى يرد عليك يصحوه ضرورى وهما احتمال كبير مش هيكونوا سايبلنه عدة تليفون فى أوضته

          عشان طبعا ميقعدش يحب بيه طول الليل فا هيضطر يمشى لحد الصالة أقعد أرغى معاه ورذل عليه

          *واحد هيقولى طب أرذل عليه ازاى طب خلاص متزعلش أعلمك يعنى مثلا تقوله خبر يزعله جدا

          حاجة حلوة تصدمة كده وتخليه بدل ماكان عايز ينام عينيه هتطلع من مكانها وفى الاخر قوله بهزر

          المهم أفضل أستفزه لحد ماتطير النوم من عينه

          **لو صحبك بيتكلم فى التليفون حاطط السماعة على ودن وأستلم أنت بقى الودن التانية الفاضية

          خليه يحس إنه واقف فى مولد مش عارف الكلام جى منين بالظبط

          **دبس صحبك فى كل حاجة مثلا فى مواصلات أو فى كافيه أو فى سينما

          **أدخل سنترال إتكلم وقوله معاك فكة أصل معييش غير مجمد قال يعنى معاك ورقة بمليون جنيه

          أو قوله نسيت المحفظة فى البيت أو الفلوس ضاعت ولا إتسرقت أو متخانق مع باباك ومدكش فلوس

          خليه مش فاضل غير بعد كده ياخد مصروف ليه وليك

          **لو صحبك رايح أى مشوار هيقابل حبيبته مثلا وقالك لو حد من بيتنا أتصل بيك قوله إحنا بنذاكر

          وأول ما حد يتصل قولهم لا والله هو تحت مش عندى وقوله يعنى أنت عايزنى أكدب

          قال يعنى الإيمان مقطع بعضه وصادق فى كله جت على دى

          **لو لسه مخلصين إمتحانات الشهر فى المدرسة أو إمتحانات الميد تيرم فى الكلية ودرجات صحبك وحشة

          قوله أنا لازم أجى أذاكر معاك النهارده وطبعا هتشوف باباه ولا مامته وهيسألوك عن المذاكرة وكده

          قولها والله إحنا بنذاكر بس مش عارف هو جاب درجات وحشة وسيحله بقى خليهم يستلموه

          ويكبسوا على نفسه طول السنة

          **ياسلام لو اتأخرتوا 5 دقايق كده عن المحاضرة والدكتور قال مش مدخل حد بعدى وطردكوا

          يبقى لازم تروح بيته وتشتكى لباباه ومامته وتعمل برئ ومظلوم دانتوا يادوب اتأخرتوا خمس قايق بس

          هتخليهم يخلوه يروح يفتح الكلية بنفسه من الساعة ستة الصبح عشان ميتأخرش عن المحاضرة

          **خارج أنت من البيت بقى وبتستأذن باباه أو مامته بيقولوك ماتخليك ياحبيبى تتغدى معانا قولهم شكرا

          صحيح يابنى أنت عملت شيت مادة كذا وطبعا أنت متأكد إنه لا عمله ولا جه ناحيته

          الباشا بقى فى نص هدومه وهيرد باباه ولا مامته لا طبعا ويعمل ليه هو فاضى للحاجات دى

          والأهل مش بيتفاهموا فى حكاية الدراسة دى بالذات يعنى أقلبها نكد على صحبك قبل ماتمشى

          **خد موبايل صحبك من غير مايحس وخبيه وخليه يفتكر إن الموبايل ضاع ولا إتسرق لحد مايجيب آخره

          لو هو مفتح شوية وواخد باله يبقى على نفسه برضه قوله ورينى الموبايل بتاعك كده وفى وسط القعدة

          استأذن مثلا هتجيب حاجة ولا هتعمل حاجة وخده وروح وخليه يدوخ عليك فى المكان ويتصل بيك مليون مرة
          لحد مايجى ياخده منك من البيت وياسلام لو مفاتيح عربيته يبقى يجى بتاكسى ويرجع بتاكسى بعدين

          يبقى يروح بعربيته

          امال هو يعنى يركب عربية وسواقين التاكسى ياكلوا عيش منين

          **لو شوفته واقف مع واحدة طب عليه زى القضى المستعجل وخده بالحضن ودخل نفسك فى الكلام وخلاص

          **ولو فاكر موقف محرج كده عن صاحبك ده مفيش مانع تقوله قدامها يعنى مثلا لو صحبك ده حاول

          قبل كده يتكلم مع بنت وأحرجته قوله يا أخى كل ما أشوفك واقف مع بنت زى دلوقتى كده

          **أفتكر البنت اللى قالتلك لم نفسك ياروح أمك طبعا هو هيبقى واقف بيقول يا أرض إتشقى وأبلعينى
          وما شاء الله عليك كده هتبقى بتحطه فى موقف أرذل من التانى
          وهيبقى ربنا يصبره وممكن يدخل الجنة بسبب عمايلك دى


          مش دي اخر غلااااااسة بردوا ؟

          ولا أيه؟

          ســندريلآ


          تعليق


          • #6
            رد: اخر رزالة ( غلاسة ).


            هههههههههههههه

            ولو واحد ماشى من تحت البلكونة ادلقى عليه مية ساعقة واعملى نفسك مش واخذة بالك

            ولو جه عليكم ضيوف حطى ملح عالشاى

            استنوا لسه مخلصتش هعلمكم حاجة اخر غلااااسة :


            لما تسأل واحد وتقلو اقول ولا مقولش ..يقلك قول ..قله قول وطعميه .

            *لما تسأل واحد وتقله صح ولا غلط ..يقلك صح ..قله صح النوم .

            * لما تسأل واحد وتقله الكلام دا حصل ..قالك حصل ..قله حصل وطحينه.

            * لما واحد يقلك انا جيت نورت البيت قله ..لا دا نور السطوح.

            *لما تسأل واحد وتقله دا احلى ولا دا ..وقالك سيان ..قله سيانى بتوجعنى انا لازم اروح لدكتور السيان.

            *لما واحد يقلك صباح الخير ..قله صباااااااح اللى بتغنى .

            * لما تسال واحد ايه رايك فى حاجه ..وقالك جامده ..قله جامده برباط.

            *لما تلاقى واحد لابس شيك كده او عامل حاجه حلو ..قله ايه الحلاوه ديه حلاوتك ديه ولا حلاوه الرشيدى الميزان .

            * لما تلاقى واحد شكله حلو ..قله جمالك دا ولا جمال الدين الافغانى .

            * لما واحد يسألك انت فين ؟ ..قله انا فى العلبه وعلبه مكتوب عليها صحتك فى العلبه ديه حليب مصفى لاخر قطره .

            *لما واحد يقلك دا انا مفيش زايي واحنا اللى دهنا الهوا دوكو ..قله احنا اللى عملنا الهوا كروهات ولبسنا السمك مايوهات وخرمنهالو لما حبينا نغرقو


            وممكن اعلمكوا حاجة ادهى من كل اللى فات:

            أصلى فى مره و ان ماشى قابلت واحد لابس بنطلون جينز
            البنطلون كان أزرق
            الصراحه كان نفسى فى واحد زيه
            أنا كنت شفت واحد زيه فى المول
            رحت المول قلت أتغدى
            لقيت المحلات كتير
            إحترت آكل إيه قمت لعبت بلياردو
            العصايه بتاعة البلياردو خشب زان
            على فكره الزان احسن أنواع الخشب علشان بيعيش كتير و يستحمل
            و مين فينا يقدر يستحمل الحياه اللى بقت صعبه قوى
            زى إمتحانات الثانويه العامه
            بس أنا عديتها خلاص
            ساعتها كان الإمتحان صعب و واقف مراقب غلس
            شكله كده كان متخانق مع زوجته
            إنت عارف طبعا إن الكل بيتخانق فى بيته
            و الآن صعب إنك تجيب بيت لأن الأسعار غاليه
            تعرف إن سعر متر السيراميك 50 جنيه
            مع إن الدولار ب5.5 فى البنك
            و البنوك أجازه يوم الجمعه و السبت
            و دى مشكله لما تكون محتاج فلوس يوم الجمعه تجيب علبة تونه
            طبعا تونه لو كنت فاعد لوحدك و مش عاوز أو مش عارف تطبخ

            و يا ليل يا عين

            كده اللى بتكلمه هيشد شعره

            ولو اقرع هههههههههه تبئى مصيبة

            ســندريلآ


            تعليق


            • #7
              رد: اخر رزالة ( غلاسة ).

              ههههههههههههههههه
              ههههههههههههه
              ههههههههه
              هههههههه
              ههه


              لك شو هاد سندريلا
              متت من الضحك..
              حركاااات ولا احلى
              يسلموووووووو
              ومرسي كتير الك


              دااليا

              تعليق


              • #8
                رد: اخر رزالة ( غلاسة ).

                يسلموا على هالموضوع
                تم المسح من قبل الادارهـ


                ارجو مراحعه القوانين

                تعليق


                • #9
                  رد: اخر رزالة ( غلاسة ).

                  داليا

                  طير بلا وطن

                  منوورين

                  ومشكورين على مروركم

                  تقبلوا فائق تقديري واحترامى

                  ســندريلآ


                  تعليق


                  • #10
                    رد: اخر رزالة ( غلاسة ).

                    هههههههههههههههههههههههههههه

                    شكراً لك اختي

                    سندريلا

                    رح اضيعينا اكيد

                    هههههههههههههههههههه

                    تحياتي لكِ

                    تعليق


                    • #11
                      رد: اخر رزالة ( غلاسة ).

                      هههه
                      ههههههههه
                      ههههههه
                      ههههههههههههههه
                      هههههههههههه


                      يسلمو
                      ساندي


                      تحياتي
                      احمد حسني

                      تعليق


                      • #12
                        رد: اخر رزالة ( غلاسة ).

                        هههههههههههههههه
                        حلوة كتيييير

                        تعليق


                        • #13
                          رد: اخر رزالة ( غلاسة ).

                          شكرا يا سندريلا


                          نعم أنا وحيدة


                          لكن رغم هذا


                          سأظل


                          غالية و همتي عالية

                          تعليق

                          يعمل...
                          X