تويت
قصه واقعيه حزينه
السلام عليكم...........ابي اقولكم قصه واقعيه حصلت لي ارجو منكم تقرونها عدل وتعطوني رايكم و...........في يوم من الايام كنت قاعده بغرفتي وكنت اسمع الويفات والفيديو الكليبات في تليفوني وفي ويف من الويفات مسجل برقم تليفون صار فيني فضول ورحت اتصلت ع الرقم طلع شاب وبهاللحضه خفت ورحت قتله انا ابي بنت باسم (شيخه)وقالي هذا مو رقم (شيخه)بس انتي نزلتي علي من السما ضايق خلقي وابي اسولف معاج بنفس اللحظه وبتردد قتله اوكي وانا كان ضايق خلقي وقلت خل اكلمه وما طولت معاه بالمكالمه لانه انشغل شوي وقالي بعدين اكلمج اوكيي باااي....
واستمرت العلاقه تقريبا 3 او 4 اشهر وحبيته وايد بس للاسف ما بادلني الشعور نفسه تدرون ليش؟؟ لانه كان راعي خرابيط (حفلات وبنات وشقق)يعني مثل ماتقلون كان يقزرها علي وكان كل يوم يحن يبي يشوفني وانا كنت ارفض لانه كنت خايفه منه بس كنت اجذب عليه بأي شي بس عشان لا اشوفه وبعد لانه كان يقولي سوالفه ومع هذا حبيته واذا قتلكم شي ما راح تصدقون انا كنت اكلم غيره واايد بس من بينهم اهو الوحيد حبيته ومع كل سولفه كنت مو بس احبه كنت امووت علييه ويوم من الايام اتصلت عليه مايرد ما يرد مايرد ينيت صرت مينونه واحاول اتصل اتصل هم ما يرد ؟وقلت ابي احاول لما يرد وفجأه رد بس للأسف ملييون مره موجذي احترم مشاعري والله ما هقيت يسوي اللي سواه تدروون شنو سوا عطا تليفونه حق وحده واسمها (عبير)وحده ماتستحي ع ويها اهلها ما ربوها عدل وحده من الشارع الله يستر عليها المهم انها كلمتني وقتلها منو؟قالت المصون وبكل وقاحه انا حبيبته نعم شتبن وانا قتلها وين (ع)قالتلي ما يبيج وتعطيني اياه وانا بكل صدمه سكرته ما تحملت هالكلام وقمت دزيتله مسج ما تبيني ادق وقالي بمسج لأ صار اللي يبيه وحرمت اكلم شخص ثاني لانه ما كنت افكر شلون اخونه مع غيره كان ما يدري عني بأي شي....................................
ومرت الايام والاشهر والساعه 5 الصبح اتصل علي بس للاسف انا ما كنت موجوده يم التليفون وبهد تقريبا نص ساعه اتصلت وطرت من الفرحه ومن كثر الفرحه نسيت الجرح اللي جرحني اياه ولو وحده ثانيه جان قالت وييييييييييييع ماوقفت عليه الدنيا وبداله الف واحد بس انا لا لا يمكن اجرحه وارده وقلت اللي فات مات وكان يقولي انا تبت ونادم ع كل اللي سويته وراح تشوفيني شخص ثاني تدروون ليش قالي هالكلام لانه انقلب بالسيكل وقالي ادري هذي حوبتج ومرت الايام واثبتلي كلامه وصار ريال ثاني غير اللي عرفته وقام يحن علي ابي اشوفج وقمت اتحججله ومرت تقريبا 3 اشهر وتفارقنا مره ثانيه عشان ما شفته ماكان يصبر وماطلعت وياه ويقولي شوفي ربعي يطلعون مع رفيجاتهم وانا لأ ليش شنو ناقصني مع كل هذا اخوي شاف مسجاته بتليفوني وكان كاتب باختصار انا مليت ابي اشوفج وابي اطلع معاج وانا ابي اشرب وكل اخو مايرضى ع اخته تكلم ريال ولو مكانه اي واحد سوا اكثر طقني سحب اوراقي من الجامعه وسحب السياره وبعد فتره قام دزلي مسج انه اهو حلمان فيني وكان يقولي بالمسج فيج شي وتطورت المسجات وصار اتصال بينا قام يحن مره ثانيه يبي يشوفني وانا مابي ليش مادري ؟؟ وبعد فتره من العلاقه كان طالع مع ربعه وماكان في اي شي ويكلمني عادي اخر الليل ابي أسأل عنه وابي اكلمه من باب الاطمئنان مايرد مايرد ؟؟ مااستسلمت قمت وادق وفجأه عنده انتظااار ينيت ينيت وقمت وقلت اللي ما يبيني ما ابيه ..................................
وبعد فتره صغيره جدا قمت واتصلت ورد علي وقالي سؤال واحد بس انا ابيج واحبج بس ليش ما تبين تشوفيني وقلت من غير تردد اوكي بعد المعاناه سنه ونص واخيرا شافني وارتاح مسكين وللحظه هذي انا اكلمه وع فكره مع كل هالعذاب ما يقدر يتزوجني تدرروون ليش يفول ماعندي مدخول شهري ما اخذج وأظلمج معااي مع كل هذا انا صابره بس انا احبه ولا اموت عليه..................
والحين انا ابي منكم بليييييز نصيحه اظل معاه والا لأ بلييييييييييييييييييييييز ردو علي محتاجه نصيحتكم ؟؟؟ ومشكوو ورين وجزاكم الله ألف ألف خييير
تعليق