السلام عليكم ورحمة الله وبركاته
اليوم عملت مناقيش وطلعت لزييييييييييييييييييزه كتير
ومو شرط فيها الفرن انتو ومزاجكم
انا عملتو عالصاج اللي ما عندو صاج يعمل بقلايه او اي شي مدور المهم ما تلزق فيه المناقيش
ياويلكم لو عيبتو علي هي اول مره بعملها
يلا نبدأ
المقادير:
2 ك طحين
م ص ملح
1/2 م ك خميره
ملعقتا اكل زبده سايحه
ماء دافئ
الطريقه :
بتحطو كل المواد الناشفه مع بعض (طحين+ملح+خميره)بعدين بتحطو السمنه وبتعجنو شوي
وبعدين الماء الدافئ
طبعا حسب العجينه اديه بدها تحتاج مي انتو بتقرروا
المهم ما تكون طريه كتير ولا قاسيه كتير يعني وسسسسط
بتعجنووها لتتجانس وبعدين بتتركوها تتخمر او لحتى يتضاعف حجمها
وبعدين بتقطعوها لدوائر وبتفردوها
بتحشوها زعتر ولا جبنه اللي بدكم اياه
وبتطووها على بعض
يعني بتصير نص دويره
مشو شوي الشوبك عليها بس عشان تلزق العجينه
بعدين بتتركوها ترتاح شوي
وبتجيبو الصاج او القلايه بتحطوه عالنار وبتحطولو شووووي زيت يعني يا دوب ملعقه وبتخلوه ليسخن وبعدين بتحطو العجين مع استمراريه التقليب من جهه لاخرى لحتى يستوي
وكل ما بتحسو القلايه او الصاج نشف من الزيت بتضيفو حسب الحاجه
صحه وهناااا
احم احم ادعولي مو تدعو علي
تعليق