--------------------------------------------------------------------------------

اكيد الكثير مل من المنتديات وسالفتها

وعشان هيك فصلتلكوا منتدى على قدنا ومزاجنا

الاقسام مش مليون قسم تدوخ وانت تلف واخر اشي ما تشارك من التعب وتطلع

الاقسام كمان غيرنا مسمياتها حسب مزاجنا اليكم الاقسام الجديدة


اولا

***************

قسم الهوش والمناقرة / هذا بديل قسم الحوار والمناقشة

بهالقسم تطرح الموضوع اللي بدك اياه ولازم تتصلب عند رايك وتهاوش وتناقر

ما في اراء تعجبني واراء اخرى


ثانيا

********************

قسم اخبار الحارات / طبيعي فلسطين بلد كبير وصعب نهتم بكل الاخبار

عشان هيك كل واحد يجيب اخبار حارتهم فقط

ولادة طلاق هوشة جارات واحد اندعس / واحد انقلعت عينو وهكذا


ثالثا

**********************

قسم صف السواليف / هذا بدل قسم المواضيع العامة

تسرد فيه السواليف اللي بدك اياها

ما عليك صف اكم كلمة جنب بعض وسوي موضوع شو ما كان


رابعا

***********************

قسم النفاق الاجتماعي / بديل قسم الترحيب والتهاني

اي واحد بدو يجامل واحد ما في مشكلة يحط موضوع

صاحبك غاب يومين راحت عليه نومة اعملو ترحيب بالعودة

جارتكو ولدت وبدك تباركلها مش مشكلة

اخوك او صاحبك نجح بالسادس ابتدائي حطلو موضوع

ولا تبخل بالتهنئة لاي سبب


خامسا

******************

قسم القصيد والهجيني / هذا بدل عذب القوافي

طبعا مش كلنا شعراء وننظم ومش معقول انظل على طول متميز بارك الله فيك / ابيات رائعة

لا هون براسك بيتين طخهن بدون وزن وبدون قافية

عجبنك بيتين انقلهن ولا تحط المصدر ما يهمنا


سادسا

****************

قسم المعذبين / هذا بدل الخواطر

قلبك فاقع من حبيبك اسلخو خاطرة كيف ما كان

واحد فاقع قلبك ومتضايق برضو اكتب ونفس

تركك حبيبك او حبيبتك وحبت كنترول باص بعد اكتب

ايضا النقل مسموح بدون مصدر ورقابة


سابعا

*******************

قسم المقاطيع / هذا بدل قسم المغتربين

حط اي موضوع يهمهم بالغربة

موقع طيران رخيص

شركة باصات مكيفة رخيصة

محطات الوقود وخرائط طرق تلزمهم ما في مشكلة



ثامنا

******************

قسم الحشاشين / هذا الفلم للنكت التحشيش فقط ما بدنا نكت بايخة فيه

بدنا نكت من الاخر


طبعا لغينا بعض الاقسام حتى ما تدوخ وانت تدور

طبيعي هذا الموضوع كاي موضوع ان تفاعلتو وفعلتوه كان به


المشاركات هنا تتم كالتالي

حط اولا اسم القسم

وبعدين حط موضوعك

والاعضاء اللي بدهم يردوا يقتبس موضوعك ويرد عليه



*** ما في بالمنتدى لا مدير ولا اداري ولا مراقب

كلنا سوا سوا اعضاء وانا معكم

** قسم شكاوي مخفي ما في

*** مخالفات وانذارات وتهديد بالطرد ما في

كل واحد يلقى عن راسو

اذا الموضوع ما عجب الادارة تحذفو على الشكاوي لا تودو

واذا عجبكو ان شاء الله يتثبت

وتحياتي للجميع واتمنى التفاعل

اي مشكل بالموضوع احكولي وان شاء الله ما تصير مشاكل


دمـتم بـكـل الـود