تويت
أحبتي ..
نعتقد خاطئين .. بأن كل الكلام يمكن أن يقال بسهولة .. و لكننا لو فكرنا للحظة في وقع وأثر بعضا مما نقوله على من يسمعه .. لأعدنا النظر مرارا .. و تمنينا مثل مثلما قال المثل الشعبي .. " ليت بلعومي بلعوم نعامة .. يمدي الكلمة فيه ترجع قبل ما تطلع "
خاطرتي تدور حول هذا المعنى .. أتمنى أن تمعنوا النظر في معناها وأن أقرأ ردودكم عليها ..
بعض الكلام ..
نعتقد نطقه سهل ..
متى ما صار بالخواطر
وإنحصر
لابد يطلع ..
ماهو مهم ..
وش هو المعنى ..
المهم إننا نقول ..
اللي توغّر بالصدر ..
نرمي الكلام على المشتهى
إن كان يسر ..
أو يضر ..
لو فيه وجع .. مو مهم
يسبب قهر ..
مو مهم
بسيطة .. !!
و أكلف ما ف الأمر
إننا نعتذر
عفوا .. تراني ما دريت
عفوا .. عمري ما هقيت
إن الكلام في نفسك..
بيترك أثر
*****
حسبي الله عليك .. و نعم الوكيل
خلاّق البشر ..
يا كنك بالكلام ..
جمرت قلبي جمر ..
ما حسبت أي حساب
للوفا و الصداقة
و عشرة عمر..
ما حسبت أي حساب
لقلب(ن) حبّك وإنجبر
ترمي الكلمة بسهولة
و هي من كبرها ..
كبر القصر ..
يا فلان .. دير الفكر
إتعب و هوجس شوي
حين الكلام في حلقك يمر
بس تعرف
تسترسل .. و تهذر !!
النفوس ماهي سوا
منها نفوس(ن) صافية
يآذيها الكلام .. و جرحها
يبقى نِدي .. و يستمر
ولا يفيد العذر
بعض النفوس ..
دواها الزمان .. و الصبر
إن غضبت ..
يطير منها الشرر
إتركها تهدى لحالها
تنزوي .. و تبتعد
عن البصر ..
تحتاج وقت ..
تعيد الحساب ..
و يبرا أللي إنكسر
تحتاج تراجع كل شعور(ن)
حسته
و تعيد النظر
و تثمّن .. بعد الكلام
كيف الوضع بيستقر ..
((منقول))...
تعليق