تويت
ليه ياغـــالي
ليه ياغالي
ليه تسيبني مع ظلم حبك
وقسوة الليالي
ليه ترميني بهجر قلبك
وأعيش مع سراب لأحلام وأماني
فين وعدك
فين حبك
فين أيامنا وأحلامنا
صحيت قلبي على طعنه تقتل بشر
وأنا قلبي كان بين أيديك
سلمته ليك وكان مليان حب وحنان
رجعته مكسور والجرح مليه
فين خوفك عليه
ولا قدروا البشر ينزعوا حبي من قلبك
ويدخلوك على دنيا جديدة
ولا قدروا ينسوك قلبي
قلبي الطيب
اللي كان بيخاف عليك
من الآهه والتنهيده
خلاص دلوقتى بقيت ذكريات
وحبي اللي فى قلبك مات وراح
بقي قلبك بيدق لحد غيري
وفى ليلك بتسهر وتناجيه
أزاى قلبك قدر
مدام قلبك بيقدر ينسي ويبيع
ليه جيتلي ياغالي
وليه حبك ونس وحدتي
ما كنت عايشة وقلبي خالي
وكان كفاية عليا جروحي فى دنيتي
ليه جيت وبأيدك جرحته من تانى
وضيعت أخر أمل كان بيحسه
ونفسه يلمسه
ليه ياغالي ليه
أيوه غالي وهتفضل غالي
فى قلب حبك
حب أصفى وأطهر من حب البشر
حب لو كانوا عدوا دقاته ومقدار تضحياته
كانوا بنوا قصور حب وشجن
بس ياخسارة يازمن
طلع حبه مجرد كلام
بينكتب وبيتقري
بس والله أنك غريب ياقلبي
أزاى لسه بتحن ليه
أزاى لسه بتفتكر أيامه
وكلام عنيه
وتسامحه بقلب صادق
وجرحه لسه ماليك
وبتداري دمع عنيك بإبتسامة
رضا وتسامح
وتقول هو ده النصيب
للدرجه دى قلبك حبه
للدرجه دى كنت بتتمني تنام فى حضنه
وكنت بتتمني ترسم الإبتسامة على شفايفه
بس ياخسارة ياقلبي
قدر غيرك ياخده فى حضنه
قدرغيرك يكسب قربه
وياخد مكان قلبك
بعد كل ده لسه بتحن ليه
وبتشتاق لنظرة عنيه
وتحس فى يوم أنك مشتاق لصوته
ولمسه أيديه
ونفسك تجري وتوصل ليه
وفى حضن قلبه تترمي
وتشكي وتبكي
من وجع قلبك وجرحه الكبير
ليه ياغالي ليه
ليه بإيدك تكتب جرح قلبي
ليه بإيدك ترسم الدمعه على خدي
وليه جيتلي ودقيت على أبواب قلبي
وليه حبك يسكن فيه
وليه تحسسني بتأنيب الضمير
أن مجرد التفكير فيك
خيانه وجرح لغيري
وقلبي هو اللي فى الأساس
أتجرح وأتخان
نفسي أنسي حبك
ونفسي الزمان يداوى جرحك
وبلاش تفكر فى حبنا
وبلاش تقلب فى ذكرياتنا
قلبك اللي أختار
وقدر يجرح ويخون
كفاية على قلبي
أنك تفضل غالي فيه
ويجي العشاق يتعلموا مني
الصبر و التسامح
بقلب مجروح ومكسور
وأن الحب عمره ما كان بكلمه حب
وتنهيده
الحب طريق بيترسم عالوفاء
وأفعال تحقق الأحلام
يارب تعجبكم الكلمات
تحياتي لكم
مشمشه
تعليق