يا رب ما يكون محطوط هالموضوع من قبل وان موجود اسفين عالازعاج

فكح : ومعناه مزط او هرب


إحفظ هالّلطش : يقولها من أدى خدمة لحدا ومحملوا جميلة عليها

طقع - بكسر القاف : يقال انها كلمة دخيلة وأصبحت متداولة ومنشؤها الزرقا (مجمع الباصات ) وبالأخص من شوفيرية السرافيس الكوستر وتعني اشي روعة ومنيح جثير

فايـع/ فايـعة : وتقال للبنت والولد اللي ماشيين عل الموظة أو على حل شعرهم أو شايفين حالهم - للتوضيح يعني من مناطق عمان الغربية وبالأخص عبدون وأخواتها وتقال لكل
واحد درس في جامعة عمان الأهلية

هاك : يعني خذ او القف.. بس من غير نفس

بتتخوث يا ملوّث تقال لمن يحاول أن يخفف دمه وبتهبّل وهو فيش أزنخ من دمّو

يلعن روما -سبة قاسية جدا تقال عند الغضب بدل من سب أشي كبير
مشرّت - بكسر الرا وفتح الشين : تقال عادة للظاربة فيوزاته او ولا حبة

الشنتير : تقال للشخص اللي حجمه كبير وعالفاظي

فستق فاظي : تقال للشخص اللي بحكي كتير وما بعمل اشي
سحنة : معناها ملامح وجه الواحد ... ويا محلا هالسحن الأردنية

يسنحك : معذرة ... ما زال البحث جاري عن معناها

قووطر : قزدر- وتستعمل في المناطق الأقل حظا

يلعن حرمو : لا تحتاج الى تفسير! ... دليل احترام للنساء في الأردن

منغنغ- الله يطعمنا : معناها معاه فلوس كثيرة وجيبته مليانة مصاري –



الرجاء نشرها للمحافظة على التراب ..... عفوا أقصد التراث

_________________________________________________________________