كنت بسأل كل مرة
شفت فيها طيف خيالك
مين دي بس اللي بجمالها
خلى عقلي مش معايا
رد قلبي بيجاوبني
هيه دي اللي مقسومالك
هيه دي اللي غطى نورها
كل افراحي وهوايا
والقى نفسي بتحاسبني
انت إيــــــه اللــي جـــرالك
لما عشت ايام بطولهـــــا
وانت مابتسمع ندايا
انت لو بس تطاوعني
روح لاغيها وخد ف بالـــك
اما تبقى معاها خــــــــدها
جوه قلبك ف الحنايا
حتى عيني بتكايدنـــي
لما شافت نــــــــور جمالـك
من يوميها ناسيه نومــهـــا
وجاتني تحكي من البداية
العين عيوني
دي اللي شافت حسنها
والقلب قلبي
دا اللي حس بهمسهـــــــا
والنفس نفسي
دي اللي حبت رسمهــــــــــا
أما اللي خلت كل دول
رهن لإشارة منها
هوه إنتي ياللي في كياني
صاحية نايمة للنهاية
ياللي وحدك ساكنة قلبي
مانتي حبك غير طبيعــــــي
طب تعالي بس جمبـــــــي
ياورده باقية من ربيعي
أول المشوار معاكــــــي
وآخرة المشوار كمــــان
كلمة الحب اللي عنــــدي
عايز اقولها واعيد كمان
ياللي روحك حته منــــي
ياريتني شوفتك من زمان
مع تحياتي
الشاعر
حسني عبدالله جاد
عاشق الورد
تعليق