روح البحر لوحدك,,,,,,,,,,,,,,,,,,, ابعد عن كل الناس الطيب منهم واللي من غير احساس
اوعي تعمل زي اللي جم قبلك
اوعي تشكيله همك
اسمع
ايوه اسمع منه... مين اللي جه قبلك؟؟
خمن
مين اللي جاي بعدك؟؟
هتضحك علي نفسك وتقول .... ازاي كنت هشكيله همي
ده هو شايل اكتر مني
هتسكت
وتقول لنفسك ... سمعته قبل ما يسمعني
وبقيت مش عايزه يسمعني
لاني عارفه انه فهمني
فاهم....ال اه اللي طالعه من البي
فاهم....حزني
فاهم...جرحي
فاهم... اني عايزه شويه حنيه
عايزه موجه يضمني
عايزه موجه يزغزغ رجليا
عايزه موجه يطير علي وشي عشان احسه بشفايفي
غمضت عنيا
حسيت براحه..حسيت بموجه بيطبطب عليا
حسيت ببروده.... وشويه شويه لاقيت نفسي مبلوله
قلت لنفسي مهما حصل هفضل مغمضه عنيا
لاني لو فتحت هشوف الدنيا من حواليا
هشوف غدرها وقسوتها عليا
هشوف قوتها في جرحها فيا
بس برضوه
هفضل مغمضه
هفضل مغمضه ع الناس اللي بيجرحوا ويدسوا
بس خايفه تخوني عنيا...
ولاقي نفسي وسط البحر والميه من حواليا
ولاقي موجه بيعلا عليا
وقول ياربي ده نفس الموج اللي كان بيزغزغ رجليا
يارتني
صرحته وشكتله همي
يارتني
قولتله علي في البي
كان رحمني
بس انا غلطانه..كنت فاكره انه انه الوحيد اللي فاهمني
كنت فاكره انه حضني
بس ياخساره ده هو اللي غدر في طيبتي وانا اللي طلعت خسرانه
اه ياعمري
تعليق