غريب اصرار الامهات علي ان نعاملهن باعتبار انهن اصدقاء ولسن امهات
يعني مثلا انت مروح ع البيت مكتئب او فرحان
فتجد مامتك بتسالك عن الحاله اللي انت فيها وتطالبك بان تحكي ليها
وان رفضت تقولك بعتاب (((مش احنا اصحاب)))
وطبعا انت مش هترد لانك مش هتقدر تقولها لا
والغريب في الموضوع انك انت مش عارف ليه عايز تقول لا
بس انا اكتشفت
ان الامهات بيكونوا عايزين يعرفوا كل حاجه عنا لانهم طول الوقت بيعتبرونا
لسه اطفال
وممكن نعمل حاجات كتيير غلط اوندخل نفسينا في مشاكل واحنا مش عارفين
كل ده ممكن تلاحظوه من الجمله المكرره
(( انت مهما كبرت مش هتكبر عليا))
وطبعا محدش فينا يقدر يقول كلمه في حاجه زي دي
اي حد فينا لما يكون مضايق بيبقي عايز يترمي في حضن مامته وكمان يعيط
ومن غير ما تساله مالك ... بس كفايه تهون عليه ؛؛
تطبطب علي كتفه بحنان وتحضنه اوووي
وبعدين نتكلم ع الاقل الواحد يبقي هدي شويه
بس لو كنت بعاملها ع اساس انها صديقه كل ده مش هيحصل لانها هتعاتبني لو كنت غلطان
وتقعد تحاسبني ؛؛ونحاول نحلها بالعقل في وقت انا مش محتاجه اتكلم فيه بالعقل ؛؛ محتاجه
عاطفه بس
الاصدقاء كتير بس الام واحده
ومش معقول ابدا اتنازل عن وجود ام في حياتي مقابل ان تتحول الي صديق من ضمن الاصدقاء[/CENTER]
وبس
تعليق