ضحكوا عليا اكمنى حمار
سايبنى اصرف واتبرع لمستشفى السرطان وكل واحد فيهم مقلب البلد عشره وعشرين وسبعين مليار
ضحكوا عليا اكمنى حمار
سايبنى اجوع واكل من الزباله وهما واكلين الكباب والاستاكوزا والكافيار والكل الاراضى المزروعه خضار
ضحكوا عليا اكمنى حمار
سايبنى عايش فى عشه من غير نمر من غير ارقام وهما عايشين فى فيلال وقصور يرمح فيها الف حصان وحمار
ضحكوا على اكمنى حمار
خلونى عاجز لابهش ولا بنش ولا قادرحتى اخد فى بيتى اى قرار وهما كل يوم قاعده وحوار وتنزيل قرار جديد مره فى التلفزيون ومره فى والجورنال مره بزيادة البنزين ومره بزيادة الاسعاروادفع ياحمار
ضحكوا عليا اكمنى حمار
قالولى بلدك مديونه ياريت تنظم الاسرة وتربط شويه الحزام وهما سرقين فلوسى وصرفنها على عيالهم وعيال العيال
ضحكوا على اكمنى حمار
فى عهدهم التعليم انهار وطلعت انا جاهل وجه عليا اليوم انى فى دستور ياسيادنا بتاعهم ابقى محتار ما بين (نعم ولا) مش عارف اختار وده لانى بقيت حمار والبركة فى كل الكلاب الكبار
اللى ضحكوا عليا اكمنى حمار
( شاعر ولكن اين المشاعر)
تعليق