تويت
جـــوه عينيـــــكى 000
مدى ايديكى
وخدينى فى حضنك
وجوه عينيكى
غطينى برمشك
ياأجمل من الورد
وأحلى من الشهد
وردك بحبى بسقيه
وشجرى اسمك عليه
وضلك برتاح فيه
بحب الليل والسهر
عشان نسيمك ماليهم
وبحب االورد والشجر
عشان عبيرك فيهم
بحب الأغانى
عشان أنتى أنغامها
بحب الامانى
عشان أنتى أيامها
بحب نهر النيل
عشان صافى زيك
بحب نجوم الليل
عشان ضيها من ضيك
تعالى قربى منى
ازاى تبعدى من اللى انتى غاليه عليه
تعالى أشربى منى
حب ح ننام ونصحى عليه
تعرفى لو كنت بنام
كنت حاقول لك تعالى فى منامى
لكن لا نوم ولا أحلام
ازاى ومحرومه منك أيامى
لكن حافضل مستنى
يمكن فى ليله تجينى
وعليا تحنى
وتطفى نار حنينى
تعليق