ياناس ياعالم كفايه بقى اهانات
ورمينا كل يوم بالاتهامات
والدعاء علينا فى كل الاوقات
ياناس ياعالم حرام عليكم
وبجد ارحمونا
بلاش على كل حاجه بتحصل فى البلد
من ولاد الكلاب تتهمونا
هوانتو ليه مابتحولوش تفكروا شويه قبل ما تظلمونا
وهو احنا عملنا ايه غلط
غير اننا طالبنا بحقنا وحقوكم من اللى سرقونا
عملنا ايه غلط
غير اننا قولنا نحاسبهم زى ماطول عمرهم بيحسبونا
وقبل ما نتولد ونشوف الدنيا كانو بيحسبو اللى خلفونا
على ايه بتتهمونا
على اننا فتحنا عنيكم على اللى اكل المعونه
والا على اللى قتل اخوتنا قى الميدان وفتح السجون المقفوله
على ايه بتتهمونا على اننا غلطنا
واتصدينا للجمال اللى بعتوها لينا علشان يدوس علينا ويسكتونا
والا علشان قولنا نعيش فى حريه وهما عايزين يربطونا
وبالكرباج يمشوكوم ويمشونا
على ايه بتتهمونا
على الفتنه اللى نشروها بنا علشان فى بعض يوقعونا
ويعرفو يضحكو علينا ونقولهم احنا اسفين سمحونا
على ايه بتتهمونا وبكل استسلام وضعف بتلومونا
وبتقولو احنا اللى خربنها وهما اللى فى امن وامان كانو بعيشونا
ياناس ياعالم ارحمونا دول نيمونا وغطونا
وفى كل حاجه اللابونا
ده حتى العلاج اللى على نفقت البلد كانو فيه بيشركونا
وبعد ده كله بتتهمونا طب اهو ربنا ظهر الحق
واتحبسو كل اللى ظلمونا
ايه رأيكم دلوقتى
لسه بردو بتتهمونا
لسه بردو بتتهمونا
لسه بردو بتتهمونا
(شاعر ولكن اين المشاعر)