السلام عليكم

انا بنت متل كل البنات مسؤلياتي قليله

ما عندي شغله الا دوام الصبح

وبعد الظهر اما بتفرج على التلفزيون او قاعده على النت

المهم ...

يوم من الايام اختي الكبيره المتزوجه دخلت فرحانه بتبشرنا بإنها لقت شغل

الكل فرحلها ومبرووك وتبويس وتهاني الكل مو مصدق الها اكتر من سنه بدور على شغل

واخيرا لقت ....

طبعا كانت عندها مشكله هي انو ما شالله عندها تلات اولاد

ولدين وبنت

من اكتر الاطفال شرا

ما في شي بمرو منه الااعطوه لمسات التكسير او التخريب

يعني بيتنا بصير وهنا موجودين مدينة ملاهي

صوت الصراخ والضرب والركد والعياط يييييييييييي ضجه بجد

المهم..

ابتسمت اختي وقالت بدي حد يمسك اولادي وقت ما بشتغل ...

طبعا دوامها مسائي من بعد صلاة العصر لصلاة العشاء...

ضحكت بيني وبين حالي

مين هالغبي الي راح يمسك هالقرود اكيد ما بكون صاحي الي بوافق..

الكل سكت و بلعو ريقهم صار الكل مشغول وماحد فاضي ..

طبعا انا الوحيده الي ما بشتغل بعد الظهر يعني فاضيه بالمختصر المفيد

الكل اتفرج علي واعطوني ابتسامه عريضه

انتي سما ما عندك شغله

انا بوقتها اعدت اصرخ لا مستحيل انا وهل القرود مع بعض مستحيل

طبعا انا بكره الاطفال يعني ببوسهم و بحبهم بس من بعيد لبعيد ما يقربو علي

لحظتها اختي صارت تتوسل وتحكيلي ويهون عليكي اختك حبيبتك يضيع الشغل من ايديها

قلتلها ..

ويهون عليكي اختك سما تروح مشفى المجانين كمان اسبوع

صار الكل يدللني ويبوسني واختي تقلي شوفي كيف هاديين

طبعا بمجمل الاطفال اول ما بدخلو مكان جديد بكونو هاديين

حتى يكسبو تعاطف الي حوليهم

طبعا

غلطت غلطت عمري ما بعرف كيف وافقت ...

الكل باركلي على الوظيفه الجديده

لا لا لا صرت حاضنت اطفال

قبل فتره بالمنتدى اضفت وظيفه بقسم العاب المرح والترفيه حاضن اطفال وكنت بتمسخر على كينج

لانه طلع حاضن

انعكست اللعبه الى جد واجاني عقاب رباني

توليت مسؤلية تلات اطفال


يتبع اول يوم حضانه اطفال ......


تحياتي

سما فلسطين